Kertasníkir vinsælasti jólasveinninn

Kertasníkir er langvinsælasti jólasveinninn á Íslandi. Askasleikir, Þvörusleikir og Pottaskefill þykja þó með eindómum óvinsælir, en þeir eiga það sameiginlegt að borða afganga á heimilum sem þeir heimsækja. MMR kannaði vinsældir jólasveinanna þrettán á dögunum.

Spurt var hver væri uppáhalds jólasveinn fólks og heildarfjöldi svarenda var 967 en allir voru 18 ára og eldri.

Athygli vekur að jólasveinarnir ná misvel til kynjanna, en Kertasníkir er miklu líklegri til vinsælda hjá konum en körlum. 51 prósent kvenna sögðu hann vera sinn uppáhalds jólasvein, en einungis 21 prósent karla.

Hurðaskellir, Ketkrókur, Bjúgnakræir og Skyrgámur ná hins vegar vel til karla.