Hef lagt líf mitt og sál í að búa til besta skíðamann sem Ísland hefur átt Henry Birgir Gunnarsson skrifar 14. febrúar 2015 09:00 Helga María er hér á þessari skemmtilegu mynd á ferðinni í stórsviginu á fimmtudag þar sem hún náði sögulegum árangri. Vísir/Getty „Það vill svo til að við erum með ömurlegan þjálfara sem kann ekki að þjálfa og undirbúa krakkana fyrir svona mót. Stjórn skíðasambandsins og þjálfarinn hafa ekki staðið sig vel í undirbúningi fyrir þetta mót,“ segir Vilhjálmur Ólafsson en hann er faðir skíðakonunnar Helgu Maríu Vilhjálmsdóttur. Hún náði fínum árangri á HM á fimmtudag er hún endaði í 56. sæti í stórsvigi. Það var aðeins í annað sinn sem íslensk kona kemst í seinni umferð á HM í stórsvigi. Aðrir keppendur komust þó ekki áfram. Þó svo Vilhjálmur væri ánægður með árangur dótturinnar þá er hann ekki ánægður með þjálfarann né stjórn Skíðasambandsins. „Hún fær ekki keppnisleyfi frá SKÍ til þess að taka þátt í Evrópumótaröðinni sem ég hef ítrekað beðið um. Það þarf að taka þátt í henni til þess að undirbúa sig sem best fyrir mót eins og heimsmeistaramót. Við ætluðum að taka þátt í þessu á okkar kostnað. Það átti ekki að kosta skíðasambandið neitt. Þeir neita okkur um það í þeim eina tilgangi að passa upp á að hún taki ekki of mikið fram úr hinum og þá sérstaklega ekki dóttur formannsins,“ segir Vilhjálmur en formaðurinn er Einar Þór Bjarnason. Vilhjálmur sakar formanninn um að sinna ekki starfi sínu af fagmennsku.Rætt við ÍSÍ um einelti „Það er bara einelti hvernig hefur verið komið fram við okkur. Ég veit bara ekki hvert ég á að kæra þetta en ég hef rætt við ÍSÍ að þarna gæti verið um einelti að ræða í okkar garð. Formaðurinn víkur aldrei til hliðar þegar hagsmunir dóttur minnar skarast á við hagsmuni dóttur hans. Foreldrar hugsanlegra afreksbarna eiga ekki að bjóða sig fram í svona stöðu. Hann er að misnota aðstöðu sína. Hver vill setja barnið sitt í svona aðstöðu? Ég varaði hann við því að gera þetta áður en hann bauð sig fram. Hann hlustaði ekki á mig.“ Til þess að fá þátttökurétt á Evrópumótaröðinni þarf viðkomandi skíðamaður að vera á meðal 250 bestu. Þangað er Helga María ekki komin og því vill Skíðasambandið ekki veita henni þátttökurétt. „Þetta eru strangari viðmið en margar aðrar þjóðir eru að setja.Þau er sett án þess að bera það undir skíðaþing. Það er enginn Íslendingur að fara undir það viðmið í stórsvigi á næstu 50 árum. Ég skal éta hatt minn ef það gerist. Ég er hundfúll út í þetta lið. Ef það væri einn maður með viti í stjórn sem hefði spyrnt við fótum þá væri Helga María búin að taka þátt í öllum mótum á Evrópumótaröðinni og hugsanlega á tveim heimsbikarmótum. Hefði Helga fengið að taka þátt eins og við vildum þá hefði hún ekki verið fjórtán sekúndum á eftir efstu stelpu í stórsviginu á HM heldur sex sekúndum. Ég er sannfærður um það. Hana vantar almennilega keppnisreynslu á löngum brautum.“Á að reka landsliðsþjálfarann Vilhjálmur segir landsliðsþjálfarann, Fjalar Úlfarsson, vera rangan mann í starfið. „Fjalar er algjörlega vanhæfur þjálfari og kann ekki að þjálfa. Það á að reka hann strax. Það væri góðverk við skíðahreyfinguna á Íslandi ef hann væri rekinn strax í dag. Hann hefur engan bakgrunn til að þjálfa og enga reynslu. Svo er hann með óhæft bakland í alpagreinanefndinni sem virðist heldur ekki vera starfi sínu vaxin. Hann er allan veturinn með landsliðshópinn í Noregi og Svíþjóð á mótum sem eru ekki nógu sterk til þess að undirbúa fyrir HM og Ólympíuleika,“ segir Vilhjálmur frekar reiður en hann segist vera búinn að fórna miklu til þess að láta skíðadraum dótturinnar rætast. „Ég hef lagt líf mitt og sál í að búa til besta skíðamann sem Ísland hefur átt. Ég lagði sálina og alla mína aukapeninga í þetta verkefni. Svo koma þessir kallar í stjórn Skíðasambandsins, alpagreinanefnd og þessi þjálfari og hafa það eina markmið að leggja stein í götu okkar. Það hafa þeir gert nánast síðan Helga byrjaði að keppa með fullorðnum. Það er einn skíðamaður að gera þetta af alvöru á Íslandi og hún heitir Helga María Vilhjálmsdóttir. Aðrir eru ekki að gera þetta af neinu viti. Það er enginn með sama fókus og metnað og hún. Við höfum stefnt á Evrópumótaröðina og síðan heimsbikarinn síðan við byrjuðum. Það er kannski ljótt að segja það en aðrir eru að drepa tímann.“Vilja búa til besta skíðamanninn Að sögn Vilhjálms hafa þau hjónin sett um fimm milljónir króna í þetta verkefni að meðaltali á síðustu átta árum. „Þegar maður er að setja svona mikla peninga í þetta þá er erfitt að mæta svona hálfvitum, og þú mátt alveg hafa það eftir mér, eins og formanni alpagreinanefndarinnar og Fjalari þjálfara sem telja sig vita alla hluti en kunna ekki einu sinni að brýna kant á skíðum. Þá verður maður pirraður. Við höfum sett alla okkar peninga í þetta og húsið okkar fer á uppboð einhvern daginn enda hrannast upp ógreiddir reikningar. Af því að við höfum það að markmiði að búa til besta skíðamann í sögu Íslands. Það markmið næst kannski ekki en við erum að reyna og hún er á réttri leið. Við gefumst ekki upp.“ Íþróttir Mið-Austurlönd Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti Sjáðu ótrúlega vörslu Raya og öll mörkin úr Meistaradeildinni Fótbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Sjá meira
„Það vill svo til að við erum með ömurlegan þjálfara sem kann ekki að þjálfa og undirbúa krakkana fyrir svona mót. Stjórn skíðasambandsins og þjálfarinn hafa ekki staðið sig vel í undirbúningi fyrir þetta mót,“ segir Vilhjálmur Ólafsson en hann er faðir skíðakonunnar Helgu Maríu Vilhjálmsdóttur. Hún náði fínum árangri á HM á fimmtudag er hún endaði í 56. sæti í stórsvigi. Það var aðeins í annað sinn sem íslensk kona kemst í seinni umferð á HM í stórsvigi. Aðrir keppendur komust þó ekki áfram. Þó svo Vilhjálmur væri ánægður með árangur dótturinnar þá er hann ekki ánægður með þjálfarann né stjórn Skíðasambandsins. „Hún fær ekki keppnisleyfi frá SKÍ til þess að taka þátt í Evrópumótaröðinni sem ég hef ítrekað beðið um. Það þarf að taka þátt í henni til þess að undirbúa sig sem best fyrir mót eins og heimsmeistaramót. Við ætluðum að taka þátt í þessu á okkar kostnað. Það átti ekki að kosta skíðasambandið neitt. Þeir neita okkur um það í þeim eina tilgangi að passa upp á að hún taki ekki of mikið fram úr hinum og þá sérstaklega ekki dóttur formannsins,“ segir Vilhjálmur en formaðurinn er Einar Þór Bjarnason. Vilhjálmur sakar formanninn um að sinna ekki starfi sínu af fagmennsku.Rætt við ÍSÍ um einelti „Það er bara einelti hvernig hefur verið komið fram við okkur. Ég veit bara ekki hvert ég á að kæra þetta en ég hef rætt við ÍSÍ að þarna gæti verið um einelti að ræða í okkar garð. Formaðurinn víkur aldrei til hliðar þegar hagsmunir dóttur minnar skarast á við hagsmuni dóttur hans. Foreldrar hugsanlegra afreksbarna eiga ekki að bjóða sig fram í svona stöðu. Hann er að misnota aðstöðu sína. Hver vill setja barnið sitt í svona aðstöðu? Ég varaði hann við því að gera þetta áður en hann bauð sig fram. Hann hlustaði ekki á mig.“ Til þess að fá þátttökurétt á Evrópumótaröðinni þarf viðkomandi skíðamaður að vera á meðal 250 bestu. Þangað er Helga María ekki komin og því vill Skíðasambandið ekki veita henni þátttökurétt. „Þetta eru strangari viðmið en margar aðrar þjóðir eru að setja.Þau er sett án þess að bera það undir skíðaþing. Það er enginn Íslendingur að fara undir það viðmið í stórsvigi á næstu 50 árum. Ég skal éta hatt minn ef það gerist. Ég er hundfúll út í þetta lið. Ef það væri einn maður með viti í stjórn sem hefði spyrnt við fótum þá væri Helga María búin að taka þátt í öllum mótum á Evrópumótaröðinni og hugsanlega á tveim heimsbikarmótum. Hefði Helga fengið að taka þátt eins og við vildum þá hefði hún ekki verið fjórtán sekúndum á eftir efstu stelpu í stórsviginu á HM heldur sex sekúndum. Ég er sannfærður um það. Hana vantar almennilega keppnisreynslu á löngum brautum.“Á að reka landsliðsþjálfarann Vilhjálmur segir landsliðsþjálfarann, Fjalar Úlfarsson, vera rangan mann í starfið. „Fjalar er algjörlega vanhæfur þjálfari og kann ekki að þjálfa. Það á að reka hann strax. Það væri góðverk við skíðahreyfinguna á Íslandi ef hann væri rekinn strax í dag. Hann hefur engan bakgrunn til að þjálfa og enga reynslu. Svo er hann með óhæft bakland í alpagreinanefndinni sem virðist heldur ekki vera starfi sínu vaxin. Hann er allan veturinn með landsliðshópinn í Noregi og Svíþjóð á mótum sem eru ekki nógu sterk til þess að undirbúa fyrir HM og Ólympíuleika,“ segir Vilhjálmur frekar reiður en hann segist vera búinn að fórna miklu til þess að láta skíðadraum dótturinnar rætast. „Ég hef lagt líf mitt og sál í að búa til besta skíðamann sem Ísland hefur átt. Ég lagði sálina og alla mína aukapeninga í þetta verkefni. Svo koma þessir kallar í stjórn Skíðasambandsins, alpagreinanefnd og þessi þjálfari og hafa það eina markmið að leggja stein í götu okkar. Það hafa þeir gert nánast síðan Helga byrjaði að keppa með fullorðnum. Það er einn skíðamaður að gera þetta af alvöru á Íslandi og hún heitir Helga María Vilhjálmsdóttir. Aðrir eru ekki að gera þetta af neinu viti. Það er enginn með sama fókus og metnað og hún. Við höfum stefnt á Evrópumótaröðina og síðan heimsbikarinn síðan við byrjuðum. Það er kannski ljótt að segja það en aðrir eru að drepa tímann.“Vilja búa til besta skíðamanninn Að sögn Vilhjálms hafa þau hjónin sett um fimm milljónir króna í þetta verkefni að meðaltali á síðustu átta árum. „Þegar maður er að setja svona mikla peninga í þetta þá er erfitt að mæta svona hálfvitum, og þú mátt alveg hafa það eftir mér, eins og formanni alpagreinanefndarinnar og Fjalari þjálfara sem telja sig vita alla hluti en kunna ekki einu sinni að brýna kant á skíðum. Þá verður maður pirraður. Við höfum sett alla okkar peninga í þetta og húsið okkar fer á uppboð einhvern daginn enda hrannast upp ógreiddir reikningar. Af því að við höfum það að markmiði að búa til besta skíðamann í sögu Íslands. Það markmið næst kannski ekki en við erum að reyna og hún er á réttri leið. Við gefumst ekki upp.“
Íþróttir Mið-Austurlönd Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti Sjáðu ótrúlega vörslu Raya og öll mörkin úr Meistaradeildinni Fótbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir Sjáðu ótrúlega vörslu Raya og öll mörkin úr Meistaradeildinni „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Sjá meira