Smákarlaremba Erla Björg Gunnarsdóttir skrifar 23. júní 2015 08:00 Fjögurra ára sonur minn elst upp á tveimur heimilum. Annars vegar hjá föður sem eldar og skúrar. Hins vegar hjá móður sem borar og blótar. Hann elst upp við að mamma og pabbi geri nákvæmlega sömu hlutina. Það er því fullkomlega óskiljanlegt hversu mikil karlremba litli maðurinn er. Hann á Playmo-bíl með tveimur löggum. Karli og konu. Konan fær aldrei að keyra bílinn. Aldrei! Hann hélt með Friðriki Dór í söngvakeppninni af þeirri einföldu ástæðu að það sé „miklu betra að senda strák í söngvakeppni“. Og þegar ég ætlaði með honum út í fótbolta um daginn fór hann að hlæja, strauk mér blítt um kinnina og spurði hvort það væri ekki betra að stóri bróðir kæmi með honum út. Ég hef reynt að beina barninu á rétta braut. Ég bendi honum á flottar stelpur á fótboltaæfingu sem snúa niður strákana. Lét löggukallinn hverfa og nú ráða tvær konur ríkjum í Playmo-landi. Svo sneri ég mér að barnaefninu. Ætlaði að kreista úr honum ofurhetju-mikilmennskuna og stækka sjóndeildarhringinn með glápi á Fríðu og dýrið, Litlu hafmeyjuna og Mjallhvíti. Þegar ég hlustaði á fyrirlestur Geenu Davis á ráðstefnunni WE 2015 þar sem hún talaði um hversu fáar kvenpersónur eru í barnaefni varð ég montin. Ég er meðvituð. Sonur minn horfir á stelpumyndir. En svo hélt hún áfram og benti á að þær fáu kvenpersónur sem birtast á hvíta tjaldinu séu alltaf sætar, saklausar, vanmáttugar og í leit að ástinni. Þá breyttist brosið í grettu. Einu kvenpersónurnar sem sonur minn kynnist eru prinsessa, sem misstórir karlmenn eru sífellt að bjarga, og norn með meiriháttar útlitskomplexa, hafmeyja sem fer í lýtaaðgerð til að finna ástina í landi og Fríða sem er með bad boy-syndrome á hæsta stigi. Ég lýsi því eftir sterkum og skemmtilegum kvenpersónum. (Dóra landkönnuður er þar með ekki valmöguleiki). Er Astrid Lindgren mín eina von? Viltu birta grein á Vísi? Sendu okkur póst. Senda grein Erla Björg Gunnarsdóttir Mest lesið Halldór 4.10.2025 Halldór Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Lyftum umræðunni á örlítið hærra plan Jóna Hlíf Halldórsdóttir Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Fjögurra ára sonur minn elst upp á tveimur heimilum. Annars vegar hjá föður sem eldar og skúrar. Hins vegar hjá móður sem borar og blótar. Hann elst upp við að mamma og pabbi geri nákvæmlega sömu hlutina. Það er því fullkomlega óskiljanlegt hversu mikil karlremba litli maðurinn er. Hann á Playmo-bíl með tveimur löggum. Karli og konu. Konan fær aldrei að keyra bílinn. Aldrei! Hann hélt með Friðriki Dór í söngvakeppninni af þeirri einföldu ástæðu að það sé „miklu betra að senda strák í söngvakeppni“. Og þegar ég ætlaði með honum út í fótbolta um daginn fór hann að hlæja, strauk mér blítt um kinnina og spurði hvort það væri ekki betra að stóri bróðir kæmi með honum út. Ég hef reynt að beina barninu á rétta braut. Ég bendi honum á flottar stelpur á fótboltaæfingu sem snúa niður strákana. Lét löggukallinn hverfa og nú ráða tvær konur ríkjum í Playmo-landi. Svo sneri ég mér að barnaefninu. Ætlaði að kreista úr honum ofurhetju-mikilmennskuna og stækka sjóndeildarhringinn með glápi á Fríðu og dýrið, Litlu hafmeyjuna og Mjallhvíti. Þegar ég hlustaði á fyrirlestur Geenu Davis á ráðstefnunni WE 2015 þar sem hún talaði um hversu fáar kvenpersónur eru í barnaefni varð ég montin. Ég er meðvituð. Sonur minn horfir á stelpumyndir. En svo hélt hún áfram og benti á að þær fáu kvenpersónur sem birtast á hvíta tjaldinu séu alltaf sætar, saklausar, vanmáttugar og í leit að ástinni. Þá breyttist brosið í grettu. Einu kvenpersónurnar sem sonur minn kynnist eru prinsessa, sem misstórir karlmenn eru sífellt að bjarga, og norn með meiriháttar útlitskomplexa, hafmeyja sem fer í lýtaaðgerð til að finna ástina í landi og Fríða sem er með bad boy-syndrome á hæsta stigi. Ég lýsi því eftir sterkum og skemmtilegum kvenpersónum. (Dóra landkönnuður er þar með ekki valmöguleiki). Er Astrid Lindgren mín eina von?
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun