Buffon hættir eftir HM 2018

Gianluigi Buffon, markvörður ítalska landsliðsins og Juventus, hefur ekki í hyggju að hætta fyrr en í síðasta lagi eftir HM 2018 sem fer fram í Rússlandi.

Buffon er 37 ára gamall og á að baki meira en 150 leiki með ítalska landsliðinu og 500 leiki með Juventus. Hann varð heimsmeistari með Ítalíu árið 2006 og er búist við því að hann muni verja mark liðsins á EM í sumar.

„Ég ætla að halda áfram ef við komumst á HM 2018. En eftir það þá segi þá dreg ég mig í hlé,“ sagði Buffon við ítalska fjölmiðla í kvöld.

Buffon hóf ferilinn hjá Parma en var keyptur til Juventus fyrir metfé árið 2001. Hann hefur spilað með ítalska A-landsliðinu í tæpa tvo áratugi.