Empoli jafnaði tvisvar gegn Milan

AC Milan komst í tvígang yfir gegn Empoli í ítölsku úrvalsdeildinni í kvöld en tókst þrátt fyrir það ekki að landa sigri. Lokatölur 2-2.

Eftir jafnteflið er Milan í 6. sæti deildarinnar með 33 stig, sjö stigum frá Meistaradeildarsæti.

Kólumbíski framherjinn Carlos Bacca kom Milan yfir á 8. mínútu en Piotr Zielinski jafnaði metin á þeirri 32.

Staðan var 1-1 í hálfleik en eftir þriggja mínútna leik í seinni hálfleik kom Giacomo Bonaventura Milan aftur yfir.

Að þessu sinni entist forskotið í 13 mínútur en Massimo Maccarone jafnaði metin í 2-2 á 61. mínútu og þar við sat.