Johnson & Johnson greiðir milljarðabætur vegna barnapúðurs

Johnson & Johnson hefur verið dæmt til að greiða fjölskyldu konu sem lést á síðasta ári 72 milljónir dollara, ríflega 9 milljarða íslenskra króna.

Kviðdómur í Missouri ríki í Bandaríkjunum taldi sýnt fram á að andlát konunnar, sem var með krabbamein í eggjastokkum, hefði tengst notkun hennar á barnapúðri fyrirtækisins.

Konan, sem hét Jackie Fox og var frá Birmingham í Alabama, hafði notað barnapúður frá Johnson & Johnson í áratugi að því er BBC greinir frá.

Fjölskylda konunnar taldi fyrirtækið hafa vitað af hættum sem tengdust notkun barnapúðursins án þess að vara aðra við.

Johnson & Johnson hafnaði ásökunum fjölskyldunnar og íhugar nú að áfrýja málinu.

Í frétt BBC er haft eftir góðgerðasamtökunum Cancer Research UK að ekki hafi verið sýnt fram á tengsl milli notkunar púðursins og krabbameins í eggjastokkum