Umfjöllun og viðtöl: Njarðvík - Haukar 79-85 | Sjöundi sigur Hauka í röð Daníel Rúnarsson skrifar 7. mars 2016 21:30 Kári Jónsson, leikmaður Hauka. Vísir Haukar unnu í kvöld sinn sjöunda leik í röð í Dominos-deild karla í körfubolta er þeir lögðu Njarðvík að velli 79-85. Með sigrinum jafna Haukar við Keflavík í 3-4. sæti deildarinnar með 28 stig. Njarðvíkingar sitja eftir í 7. sætinu með 22 stig. Njarðvíkingar komu haltrandi til leiks. Logi Gunnarsson verður ekki meira með á tímabilinu og Haukur Helgi Pálsson er einnig að glíma við meiðsli. Þar að auki héldu veikindi aðalþjálfara liðsins, Friðriki Inga Rúnarssyni, frá vellinum að þessu sinni. Teitur Örlygsson stýrði liðinu því einn af bekknum. Haukar komu hinsvegar með fullskipað lið og sjálfstraustið í botni eftir að hafa sigrað sex leiki í röð í deildinni. Leikurinn fór nokkuð rólega af stað. Gestirnir úr Hafnarfirði leiddu framan af fyrsta leikhluta en Njarðvíkinga söxuðu hægt og rólega á forystu þeirra. Liðin skiptust á að setja niður þriggja stiga skot en undir lok fyrsta leikhluta rann æði á Kristinn Marinósson, leikmann Hauka, sem setti þrjá þrista á skömmum tíma og bjó þar með til fimm stiga forystu gestanna, 24-29. Njarðvíkingar mættu hinsvegar aldrei til leiks í annan leikhluta, hvorki í sókn né vörn. Hjálmar Stefánsson skoraði fyrstu 10 stig gestanna gegn lítilli mótspyrnu Njarðvíkur. Þegar Hjálmar kólnaði tók Haukur Óskarsson við og þannig gekk það út leikhlutann. Allt gekk upp hjá Hafnfirðingum á meðan Njarðvíkingar gátu aðallega náð sér í stig af vítalínunni. Þegar flautað var til hálfleiks var forysta Hauka komin í 21 stig, 56-35. Skotnýting Hauka til mikillar fyrirmyndar, 60% úr tveggja stiga skotum og 50% úr þriggja stiga. Heimamenn byrjuðu þriðja leikhlutann af krafti enda hefur þjálfari þeirra, Teitur Örlygsson líklega talað hraustlega yfir hausamótunum á þeim í hálfleiknum. En gestirnir svöruðu öllu því sem Njarðvíkingar hentu á þá og læstu vörninni þannig að Njarðvíkingar gátu ekki skorað í tæpar fjórar mínútur. Áhlaup heimamanna undir lok leikhlutans, er þeir skoruðu 10 stig í röð minnkaði þó muninn niður í 15 stig og skyndilega áttu ljónin líflínu fyrir lokaleikhlutann. Fjórði leikhluti einkenndist af baráttu upp á líf og dauða og minnti helst á leik í úrslitakeppninni. Haukar fengu ekki lengur opin skot og lítið skorað. Njarðvíkingar héldu áfram að saxa niður forystu Hauka og komust næst þeim í stöðunni 79-83. Nær komust þeir þó ekki, Brandon Mobley kláraði leikinn af vítalínunni og lokatölur 79-85. Sjöundi sigur Hauka í röð því staðreynd þó að það hafi staðið tæpt í lokin. Frábær annar leikhluti skóp sigurinn fyrir Hauka en lemstrað lið Njarðvíkur var ekki langt frá því að stela sigrinum undir lokin.Ívar: Við ættum að hræða öll hin liðin Ívar Ásgrímsson þjálfari Hauka var að vonum sáttur við sjöunda sigur sinna manna í röð þrátt fyrir að það hafi staðið tæpt undir lokin. "Við spiluðum vel svona 70% af leiknum, slökuðum aðeins á í byrjun þriðja leikhluta en tókum okkur síðan taki og héldum þessu í 20 stigum. Þegar við förum síðan að skipta byrjunarliðinu út af þá hleypum við þeim inn í þetta. Það má gefa Njarðvík það að þeir gáfust ekki upp og komu sterkir inn í fjórða leikhluta." En er það ekki áhyggjuefni að gegn þunnskipuðu liði Njarðvíkur sé breiddin ekki betri hjá Haukum? "Við erum með fína breidd. Erum með Kristinn Jónasson og Guðna á bekknum, spilum á átta mönnum í dag. En Kiddi og Guðni eru stórir og henta illa á móti litlu Njarðvíkurliði. Breiddin er fín en hentar kannski ekki gegn minni liðum. Þeir nýtast hinsvegar þegar við spilum við stærri lið." Sjö sigrar í röð, er Ívar ekkert hræddur um að liðið sé að toppa of snemma? "Nei, alls ekki. Ég myndi ekki segja það. Við ætlum að koma á góðu skriði inn í úrslitakeppnina. Ætlum að fara þangað með átta sigra í röð og ég held að það eigi að hræða öll hin liðin."Teitur: Þeir bara svínhittu skotunum Teitur Örlygsson þjálfari Njarðvíkur var þrátt fyrir allt nokkuð sáttur í leiks lok. "Haukarnir héldu áfram eins og í síðustu leikjum og við vorum bara ekki tilbúnir að taka á móti því í byrjun. Þeir svínhittu í fyrri hálfleik og náðu strax tvegja stafa forystu. Þeir spiluðu bara frábærlega. En við vissum alveg að við gætum mikið betur og töluðum um það í hálfleik að sigur eða tap í dag myndi ekki breyta okkar stöðu í deildinni. Við vildum því bara spila pressulausir og njóta þess. Láta þetta ekki líta út eins og okkur væri alveg sama. Við vildum fá eitthvað út úr leiknum sem við getum nýtt í næstu leikjum og við gerðum það. Ég var mjög ánægður með ungu strákana. Adam og Jón Arnór voru flottir og menn gleyma því stundum að Maciej er bara 20 ára og hann var frábær." Njarðvíkingar glíma við mikil meiðslavandræði og saknaði Hauks Helga í kvöld. "Við söknum auðvitað Hauks sem er kannski besti leikmaður deildarinnar en það er ánægjulegt að hann verður með okkur í næsta leik. Það vantar ekkert mikið uppá að við séum að vinna bestu liðin í deildinni. Við klárum næsta leik og förum svo mjög grimmir inn í úrslitakeppnina. Ég veit að það eru ekkert margir ef nokkur þjálfari sem vill mæta okkur í fyrstu umferðinni."Jeremy: Finn mér bara hlutverk ef Bonneau spilar Jeremy Atkinson var líkt og Teitur þjálfari sinn nokkuð sáttur með seinni helming leiksins eftir erfiða byrjun. "Þeir hittu úr skotunum sínum og við fengum villur snemma sem rugluðu okkar leik aðeins. En ungu strákarnir stigu upp í seinni hálfleik, strákar sem eru ekki vanir að fá mikinn spiltíma höndluðu það vel að spila meira og það var gaman að sjá. Við töluðum um það í hálfleik að við vildum fara heim eftir leik og geta sagt við okkur sjálfa að við hefðum að minnsta kosti barist og það tókst." Mikið hefur verið rætt um endurkomu Stefan Bonneau, eins albesta leikmanns síðasta árs, sem glímt hefur við meiðsli allt þetta tímabil. Hvað finnst Jeremy um að fá Bonneau inn í liðið, óttast hann að missa sitt hlutverk? "Þetta er bara ákvörðun sem þjálfararnir þurfa að taka. Þessvegna fá þeir mest borgað, til að taka þessar ákvarðanir. Það er bara hægt að spila öðrum okkar í einu, það er ljóst. Ég man svo sannarlega eftir Bonneau frá því í fyrra og hann kann að spila. Við háðum nokkra bardaga í fyrra og á endanum sendi hann okkur í Stjörnunni út úr úrslitakeppninni. Hann er hættulegur, við vitum það öll. Ég reyni bara að koma mér að þar sem ég get. Ég vil ekki vera eigingjarn, ég er liðsmaður og vil bara finna mitt hlutverk. Kannski verður þetta eins og hjá Tindastól og við skiptum mínútunum. Ég veit það ekki. Ég veit að Bonneau getur skorað en það þarf að taka fráköst líka og þar er ég, stríðsmaðurinn, klár ef kallið kemur. Það er það sem ég geri, skítverkin, og ég er klár í það.Tweets by @VisirKarfa2 Dominos-deild karla Mest lesið Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Nasistaborði í Magdeburg til rannsóknar Fótbolti Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn Sólveig keppti ólétt og á leið í þungunarrof Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn „Algjör synd að við fengum ekkert út úr þessum leik“ Íslenski boltinn Háspenna er FH vann Hafnarfjarðarslaginn Handbolti Arnar sagður líklegur til að taka við í Skotlandi Íslenski boltinn Marlena er sigurvegari Bakgarðshlaupsins Sport Fleiri fréttir Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Sjá meira
Haukar unnu í kvöld sinn sjöunda leik í röð í Dominos-deild karla í körfubolta er þeir lögðu Njarðvík að velli 79-85. Með sigrinum jafna Haukar við Keflavík í 3-4. sæti deildarinnar með 28 stig. Njarðvíkingar sitja eftir í 7. sætinu með 22 stig. Njarðvíkingar komu haltrandi til leiks. Logi Gunnarsson verður ekki meira með á tímabilinu og Haukur Helgi Pálsson er einnig að glíma við meiðsli. Þar að auki héldu veikindi aðalþjálfara liðsins, Friðriki Inga Rúnarssyni, frá vellinum að þessu sinni. Teitur Örlygsson stýrði liðinu því einn af bekknum. Haukar komu hinsvegar með fullskipað lið og sjálfstraustið í botni eftir að hafa sigrað sex leiki í röð í deildinni. Leikurinn fór nokkuð rólega af stað. Gestirnir úr Hafnarfirði leiddu framan af fyrsta leikhluta en Njarðvíkinga söxuðu hægt og rólega á forystu þeirra. Liðin skiptust á að setja niður þriggja stiga skot en undir lok fyrsta leikhluta rann æði á Kristinn Marinósson, leikmann Hauka, sem setti þrjá þrista á skömmum tíma og bjó þar með til fimm stiga forystu gestanna, 24-29. Njarðvíkingar mættu hinsvegar aldrei til leiks í annan leikhluta, hvorki í sókn né vörn. Hjálmar Stefánsson skoraði fyrstu 10 stig gestanna gegn lítilli mótspyrnu Njarðvíkur. Þegar Hjálmar kólnaði tók Haukur Óskarsson við og þannig gekk það út leikhlutann. Allt gekk upp hjá Hafnfirðingum á meðan Njarðvíkingar gátu aðallega náð sér í stig af vítalínunni. Þegar flautað var til hálfleiks var forysta Hauka komin í 21 stig, 56-35. Skotnýting Hauka til mikillar fyrirmyndar, 60% úr tveggja stiga skotum og 50% úr þriggja stiga. Heimamenn byrjuðu þriðja leikhlutann af krafti enda hefur þjálfari þeirra, Teitur Örlygsson líklega talað hraustlega yfir hausamótunum á þeim í hálfleiknum. En gestirnir svöruðu öllu því sem Njarðvíkingar hentu á þá og læstu vörninni þannig að Njarðvíkingar gátu ekki skorað í tæpar fjórar mínútur. Áhlaup heimamanna undir lok leikhlutans, er þeir skoruðu 10 stig í röð minnkaði þó muninn niður í 15 stig og skyndilega áttu ljónin líflínu fyrir lokaleikhlutann. Fjórði leikhluti einkenndist af baráttu upp á líf og dauða og minnti helst á leik í úrslitakeppninni. Haukar fengu ekki lengur opin skot og lítið skorað. Njarðvíkingar héldu áfram að saxa niður forystu Hauka og komust næst þeim í stöðunni 79-83. Nær komust þeir þó ekki, Brandon Mobley kláraði leikinn af vítalínunni og lokatölur 79-85. Sjöundi sigur Hauka í röð því staðreynd þó að það hafi staðið tæpt í lokin. Frábær annar leikhluti skóp sigurinn fyrir Hauka en lemstrað lið Njarðvíkur var ekki langt frá því að stela sigrinum undir lokin.Ívar: Við ættum að hræða öll hin liðin Ívar Ásgrímsson þjálfari Hauka var að vonum sáttur við sjöunda sigur sinna manna í röð þrátt fyrir að það hafi staðið tæpt undir lokin. "Við spiluðum vel svona 70% af leiknum, slökuðum aðeins á í byrjun þriðja leikhluta en tókum okkur síðan taki og héldum þessu í 20 stigum. Þegar við förum síðan að skipta byrjunarliðinu út af þá hleypum við þeim inn í þetta. Það má gefa Njarðvík það að þeir gáfust ekki upp og komu sterkir inn í fjórða leikhluta." En er það ekki áhyggjuefni að gegn þunnskipuðu liði Njarðvíkur sé breiddin ekki betri hjá Haukum? "Við erum með fína breidd. Erum með Kristinn Jónasson og Guðna á bekknum, spilum á átta mönnum í dag. En Kiddi og Guðni eru stórir og henta illa á móti litlu Njarðvíkurliði. Breiddin er fín en hentar kannski ekki gegn minni liðum. Þeir nýtast hinsvegar þegar við spilum við stærri lið." Sjö sigrar í röð, er Ívar ekkert hræddur um að liðið sé að toppa of snemma? "Nei, alls ekki. Ég myndi ekki segja það. Við ætlum að koma á góðu skriði inn í úrslitakeppnina. Ætlum að fara þangað með átta sigra í röð og ég held að það eigi að hræða öll hin liðin."Teitur: Þeir bara svínhittu skotunum Teitur Örlygsson þjálfari Njarðvíkur var þrátt fyrir allt nokkuð sáttur í leiks lok. "Haukarnir héldu áfram eins og í síðustu leikjum og við vorum bara ekki tilbúnir að taka á móti því í byrjun. Þeir svínhittu í fyrri hálfleik og náðu strax tvegja stafa forystu. Þeir spiluðu bara frábærlega. En við vissum alveg að við gætum mikið betur og töluðum um það í hálfleik að sigur eða tap í dag myndi ekki breyta okkar stöðu í deildinni. Við vildum því bara spila pressulausir og njóta þess. Láta þetta ekki líta út eins og okkur væri alveg sama. Við vildum fá eitthvað út úr leiknum sem við getum nýtt í næstu leikjum og við gerðum það. Ég var mjög ánægður með ungu strákana. Adam og Jón Arnór voru flottir og menn gleyma því stundum að Maciej er bara 20 ára og hann var frábær." Njarðvíkingar glíma við mikil meiðslavandræði og saknaði Hauks Helga í kvöld. "Við söknum auðvitað Hauks sem er kannski besti leikmaður deildarinnar en það er ánægjulegt að hann verður með okkur í næsta leik. Það vantar ekkert mikið uppá að við séum að vinna bestu liðin í deildinni. Við klárum næsta leik og förum svo mjög grimmir inn í úrslitakeppnina. Ég veit að það eru ekkert margir ef nokkur þjálfari sem vill mæta okkur í fyrstu umferðinni."Jeremy: Finn mér bara hlutverk ef Bonneau spilar Jeremy Atkinson var líkt og Teitur þjálfari sinn nokkuð sáttur með seinni helming leiksins eftir erfiða byrjun. "Þeir hittu úr skotunum sínum og við fengum villur snemma sem rugluðu okkar leik aðeins. En ungu strákarnir stigu upp í seinni hálfleik, strákar sem eru ekki vanir að fá mikinn spiltíma höndluðu það vel að spila meira og það var gaman að sjá. Við töluðum um það í hálfleik að við vildum fara heim eftir leik og geta sagt við okkur sjálfa að við hefðum að minnsta kosti barist og það tókst." Mikið hefur verið rætt um endurkomu Stefan Bonneau, eins albesta leikmanns síðasta árs, sem glímt hefur við meiðsli allt þetta tímabil. Hvað finnst Jeremy um að fá Bonneau inn í liðið, óttast hann að missa sitt hlutverk? "Þetta er bara ákvörðun sem þjálfararnir þurfa að taka. Þessvegna fá þeir mest borgað, til að taka þessar ákvarðanir. Það er bara hægt að spila öðrum okkar í einu, það er ljóst. Ég man svo sannarlega eftir Bonneau frá því í fyrra og hann kann að spila. Við háðum nokkra bardaga í fyrra og á endanum sendi hann okkur í Stjörnunni út úr úrslitakeppninni. Hann er hættulegur, við vitum það öll. Ég reyni bara að koma mér að þar sem ég get. Ég vil ekki vera eigingjarn, ég er liðsmaður og vil bara finna mitt hlutverk. Kannski verður þetta eins og hjá Tindastól og við skiptum mínútunum. Ég veit það ekki. Ég veit að Bonneau getur skorað en það þarf að taka fráköst líka og þar er ég, stríðsmaðurinn, klár ef kallið kemur. Það er það sem ég geri, skítverkin, og ég er klár í það.Tweets by @VisirKarfa2
Dominos-deild karla Mest lesið Hafa ekki heyrt frá Hearts: „Kom mér jafn mikið á óvart og þér“ Íslenski boltinn Þarf vernd lögreglu vegna reiði Rómverja Fótbolti Nasistaborði í Magdeburg til rannsóknar Fótbolti Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn Sólveig keppti ólétt og á leið í þungunarrof Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn „Algjör synd að við fengum ekkert út úr þessum leik“ Íslenski boltinn Háspenna er FH vann Hafnarfjarðarslaginn Handbolti Arnar sagður líklegur til að taka við í Skotlandi Íslenski boltinn Marlena er sigurvegari Bakgarðshlaupsins Sport Fleiri fréttir Viktor aftur heim í Stjörnuna Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Sjá meira
Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn
Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn