Fyrirhugaðar breytingar Instagram fara öfugt ofan í fólk

Notendur samskiptamiðilsins Instagram hafa margir hverjir mótmælt tilkynningu miðilsins að myndir muni ekki lengur birtast í sömu tímaröð og þær voru settar inn á vefinn. Með breytingunum er stefnt að því að notendaviðmótið verði svipað því og fólk þekkir af Facebook.

Í tilkynningunni segir að markmiðið með breytingunum sé að notendur sjá þær myndir sem þá sannarlega langar að sjá. „Röðin á myndunum og myndböndunum sem þú sérð verður byggð á myndefninu og sambandi þínu við þann sem deilir myndinni. Við ætlum að taka okkur tíma til að ná þessu rétt. Upplifun ykkar af Instagram mun breytast á næstu mánuðum.“

Breytingin leggst ekki vel í alla og þá sér í lagi ekki eigendur smærri fyrirtækja sem óttast að þeir muni drukkna í efni frá risum á markaði. Tæplega 300.000 manns hafa skrifað undir áskorun til Instagram um að falla frá áformum sínum auk þess að notendur Twitter hafa tíst um efnið undir kassamerkinu #KeepInstagramChronologial.

Margir hafa gripið til þess ráðs að biðja fólk um að merkja við get notification (Fá áminningu) í hvert skipti sem notandinn setur inn nýja mynd. Spurning er hvort samskiptavefurinn mun taka mark á kvörtununum eða láti þær sem vind um eyru þjóta.

#keepinstagramchronological Tweets