Íslenskur fasteignasali sem fer öðruvísi leiðir - Myndbönd

Ásdís Ósk Valsdóttir, löggiltur fasteignasali hjá fasteignasölunni Húsaskjól, fer heldur óhefðbundnar leiðir í því að kynna þær eignir sem hún er með á söluskrá.

Ásdís hefur sett inn nokkur myndbönd á YouTube þar sem hún kynnir viðkomandi eign. Þetta gefur þeim sem eru í fasteignahugleiðingum möguleika á því að sjá eignina á myndbandi og hvernig hún lítur út í raun og veru.

Ásdís kynnir eignina virkilega vel og fer yfir hluti eins og nærliggjandi umhverfi og hvað viðkomandi hverfi hafi upp á að bjóða.

Hér að neðan má sjá nokkur vel valinn myndbönd þar sem Ásdís fer þessa nýstárlegu leið.