Jón Daði og félagar náðu í stig gegn næstefsta liðinu

Jón Daði Böðvarsson lék allan leikinn þegar Kaiserslautern gerði 1-1 jafntefli við Leipzig á heimavelli í þýsku B-deildinni í fótbolta í kvöld.

Jón Daði og félagar eru ósigraðir í síðustu fjórum leikjum en Kaiserslautern er í 11. sæti deildarinnar með 39 stig eftir 31 umferð.

Emil Forsberg kom Leipzig, sem situr í 2. sæti deildarinnar, yfir á 56. mínútu en Kacper Przybylko tryggði Kaiserslautern stig þegar hann jafnaði metin sjö mínútum fyrir leikslok.

Jón Daði hefur leikið 12 deildarleiki með Kaiserslautern og skorað tvö mörk.