Aron Einar Gunnarsson vonast til að spila með íslenska landsliðinu í vináttulandsleiknum gegn Noregi á morgun þrátt fyrir að hafa verið að glíma við ökklameiðsli að undanförnu.
Aron Einar var reiðubúinn að spila meiddur á EM í Frakklandi ef til þess kæmi en hann segir að batinn síðustu vikuna hafi verið góður. Líðanin í dag sé góð og hann óttast ekki að þurfa að pína sig í gegnum leikina í Frakklandi.
Sjá einnig: Aron Einar spilar verkjaður á EM
„Ekki eins og er. Það kemur auðvitað í ljós hvort það verði eitthvað bakslag en ég vona að svo verði ekki,“ sagði Aron Einar.
Og hann óttaðist aldrei að hann myndi missa af mótinu í Frakklandi.
„Nei, ég held ekki. Ég vissi að það væri alltaf eitthvað sem hægt væri að gera, hvort sem það væri sprauta, verkjalyf eða hvað sem er. Ég myndi aldrei missa af þessu, þú þekkir mig aðeins betur en það.“
Aron Einar: Þú þekkir mig betur en það
Tengdar fréttir
„Þakklátur fyrir að hafa Eið Smára“
Landsliðsfyrirliðinn Aron Einar Gunnarsson segir að saga Eiðs Smára Guðjohnsen vekji eðlilega mikla athygli.
Lagerbäck: Skiptir litlu hverjir byrja hjá okkur
Lars Lagerbäck segir að það skipti ekki endilega höfuðmáli að tefla fram sterkasta liði Íslands gegn Noregi á morgun.
Aron Einar mun spila verkjaður á EM
„Það verður sársauki en ég læt það ekki stoppa mig,“ sagði landsliðsfyrirliðinn Aron Einar Gunnarsson.
Aron Einar: FIFA-listinn skiptir okkur ekki það miklu máli
"En það er alltaf gott að vera fyrir ofan hinar Norðurlandaþjóðirnar,“ segir landsliðsfyrirliðinn í fótbolta.
Heimir vonar að Aron og Kolbeinn spili á morgun
Arnór Ingvi Traustason er klár í slaginn eftir að að hafa misst af síðustu leikjum sínum með félagsliði sínu.
