Granit vann bræðraslaginn | Sjáðu markið

Granit Xhaka vann bræðraslaginn þegar Sviss vann 1-0 sigur á Albaníu með marki Fabian Schaer. Liðin eru í A-riðli ásamt Frökkum og Rúmeníu.

Eina mark leiksins kom strax á fimmtu mínútu leiksins, en Schaer skoraði þá eftir hornspyrnu Xherdan Shaqiri.

Etrit Berisha, markvörður Albana, fór í glórulaust úthlaup og eina sem Schaer þurfti að gera var að skalla boltann í netið.

Ekki batnaði ástand Albana þegar Lorik Cana fékk að líta rauða spjaldið á 36. mínútu, en hann tvö gul spjöld á þrettán mínútna kafla.

Albanir fengu ekki mörg færi í síðari hálfleik til að jafna metin, en Svisslendingar unnu að lokum 1-0 sigur.

Bræðurnir Granit Xhaka og Taulant Xhaka mættust í leiknum, en Taulant var tekinn af velli á 62. mínútu.

Frakkland og Sviss eru því með þrjú stig, en Albanía og Rúmenía eru með núll stig.

1-0. Fabian Schär skorar fyrir #SUI ! #EMÍSLAND pic.twitter.com/bFB2OaGVYz

— Síminn (@siminn) June 11, 2016