Hrapandi sala á lúxusíbúðum

Frá því að ljóst var að Bretland myndi yfirgefa Evrópusambandið hefur velta í sölu lúxusheimila í London dregist saman um tæplega helming.

Bloomberg greinir frá því að á tólf virkum dögum eftir að niðurstaða kosninganna lá fyrir hafi velta með sölu dýrustu eignanna í London dregist saman um 43 prósent, samanborið við sama tímabil árið áður.

Húsnæðisverð hafði farið lækkandi í London í aðdraganda kosninganna. Húsnæðisverð í höfuðborg Bretlands lækkaði um 1,4 prósent í maí, sem er mesta lækkun á einum mánuði síðan í júní 2011.

Fjöldi heimila sem kosta yfir milljón pund, jafnvirði rúmlega 160 milljóna króna, á markaði minnkaði um þriðjung á tímabilinu. 

Fréttin birtist fyrst í Fréttablaðinu 19. júlí