Vona að árangur minn verði hvatning fyrir ungt sundfólk á Íslandi Óskar Ófeigur Jónsson skrifar 9. ágúst 2016 06:00 Hrafnhildur Lúthersdóttir á leikunum í Ríó. Vísir/Anton Síðustu tólf mánuðir hafa verið magnaðir fyrir sundkonuna Hrafnhildi Lúthersdóttur sem hefur frá og með Heimsmeistaramótinu í Kazan 2015 tekið hvert skrefið á fætur öðru í átta að því að fá fulla aðild að elítuhópi bringusundskvenna heimsins. Hrafnhildur tók eitt stærsta skrefið aðfaranótt mánudagsins þegar hún tryggði sér sæti í úrslitasundinu í 100 metra bringusundi. „Þetta er mjög stórt fyrir mig enda stærsta sundmót sem er til fyrir sundmenn. Jú, jú, við erum með heimsmeistaramótið en það er ekkert í líkingu við þetta,“ segir Hrafnhildur. Það hefur verið frábært að fylgjast með framförum hennar síðustu árin. Hún virðist alltaf geta tekið næsta skref og nú er komin það langt að hún skrifar nýjan kafla í íslensku sundsöguna á hverju stórmóti. Hrafnhildur lenti í miklu mótlæti fyrir Ólympíuleikana í London 2012 þegar hún meiddist rétt fyrir leikana en í stað þessa að brotna þá gaf hún í. Nú skrifaði hún tvisvar söguna á sama deginum með því að komast fyrst í undanúrslit og svo í úrslit á Ólympíuleikum. Því hafði íslensk sundkona aldrei náð fyrir leikana í Ríó. Hrafnhildur fór í úrslit í tveimur greinum á HM í Kazan fyrst íslenskra kvenna í ágúst 2015 og hún vann þrenn verðlaun á EM í 50 metra laug í London í maí sem fáa hefði dreymt um að væri möguleiki fyrir nokkrum árum. Hún fagnaði 25 ára afmæli sínu þremur dögum fyrir setningarhátíðina. „Þegar maður verður eldri þá á maður ekki endilega að ná því að verða betri. Sem betur fer þá er það þannig hjá mér því ég virðist geta farið hraðar þegar ég þroskast meira og þá get ég áfram bætt mig,“ segir Hrafnhildur. Hún nýtir sér allt til þess að læra meira. „Það er rosalega gott að geta fengið athugasemdir frá öllum,“ segir Hrafnhildur en auk Jacky Pellerin landsliðsþjálfara eru í Ríó Klaus-Jürgen Ohk þjálfari hennar hjá SH og Anthony Conrad Nesty þjálfari hennar í Flórída-háskóla í Bandaríkjunum. Hrafnhildur hefur ekki áhyggjur af því að hún sé að fá of mikið af upplýsingum þegar svona margir þjálfarar eru að skipta sér af henni. „Þeir eru allir stilltir inn á það sama. Þess vegna held ég að mér hafi gengið svona vel og að ég sé að æfa svona vel. Það sem ég er að æfa hjá Nesty er svipað og það sem ég er að æfa með Klaus þegar ég fer heim,“ segir Hrafnhildur. „Þeir eru að hittast í fyrsta skiptið hérna á þessum leikum. Þegar Klaus fer yfir þær upplýsingar sem Nesty er að gefa mér þá segir hann: Ó, já, þetta er bara það sama og ég myndi gera. Þeir eru að spila á svipuðum nótum og það er rosalega þægilegt fyrir mig að sjá það og vinna með það,“ segir Hrafnhildur. Hún hefur góða sögu að segja af Klaus-Jürgen Ohk. „Ég vinn svo vel með Klaus. Hann skrifaði upp markmið fyrir mig fyrir heimsmeistaramótið í stuttu lauginni 2013. Þar skrifaði hann að við ætluðum að komast í úrslit á HM og svo í úrslit á Ólympíuleikunum. Til þess að gera það þá gerum við þetta, þetta og þetta. Svona voru skrefin og hann skrifaði þetta allt niður og sýndi mér," segir Hrafnhildur og þetta stóðst allt. „Hann sagði mér núna að ég væri búin að fara eftir öllum skrefunum og ná þessum árangri. Það er allt búið að ganga upp og það er rosalega heppilegt,“ segir Hrafnhildur og hún er núna án vafa búin að stimpla sig inn í hóp bestu bringusundskvenna heims. „Ég er með þeim bestu myndi ég segja og ég er mjög ánægð með það. Ég vona líka að þetta geti verið góð hvatning fyrir yngri sundmenn heima og hvetji þau að halda áfram að synda. Þó að maður verður eldri þá getur maður haldið áfram að bæta sig,“ segir Hrafnhildur. Hún synti úrslitasundið í nótt þegar Fréttablaðið var farið í prentun.Greinin birtist fyrst í Fréttablaðinu 9. ágúst. Ólympíuleikar 2016 í Ríó Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Sjá meira
Síðustu tólf mánuðir hafa verið magnaðir fyrir sundkonuna Hrafnhildi Lúthersdóttur sem hefur frá og með Heimsmeistaramótinu í Kazan 2015 tekið hvert skrefið á fætur öðru í átta að því að fá fulla aðild að elítuhópi bringusundskvenna heimsins. Hrafnhildur tók eitt stærsta skrefið aðfaranótt mánudagsins þegar hún tryggði sér sæti í úrslitasundinu í 100 metra bringusundi. „Þetta er mjög stórt fyrir mig enda stærsta sundmót sem er til fyrir sundmenn. Jú, jú, við erum með heimsmeistaramótið en það er ekkert í líkingu við þetta,“ segir Hrafnhildur. Það hefur verið frábært að fylgjast með framförum hennar síðustu árin. Hún virðist alltaf geta tekið næsta skref og nú er komin það langt að hún skrifar nýjan kafla í íslensku sundsöguna á hverju stórmóti. Hrafnhildur lenti í miklu mótlæti fyrir Ólympíuleikana í London 2012 þegar hún meiddist rétt fyrir leikana en í stað þessa að brotna þá gaf hún í. Nú skrifaði hún tvisvar söguna á sama deginum með því að komast fyrst í undanúrslit og svo í úrslit á Ólympíuleikum. Því hafði íslensk sundkona aldrei náð fyrir leikana í Ríó. Hrafnhildur fór í úrslit í tveimur greinum á HM í Kazan fyrst íslenskra kvenna í ágúst 2015 og hún vann þrenn verðlaun á EM í 50 metra laug í London í maí sem fáa hefði dreymt um að væri möguleiki fyrir nokkrum árum. Hún fagnaði 25 ára afmæli sínu þremur dögum fyrir setningarhátíðina. „Þegar maður verður eldri þá á maður ekki endilega að ná því að verða betri. Sem betur fer þá er það þannig hjá mér því ég virðist geta farið hraðar þegar ég þroskast meira og þá get ég áfram bætt mig,“ segir Hrafnhildur. Hún nýtir sér allt til þess að læra meira. „Það er rosalega gott að geta fengið athugasemdir frá öllum,“ segir Hrafnhildur en auk Jacky Pellerin landsliðsþjálfara eru í Ríó Klaus-Jürgen Ohk þjálfari hennar hjá SH og Anthony Conrad Nesty þjálfari hennar í Flórída-háskóla í Bandaríkjunum. Hrafnhildur hefur ekki áhyggjur af því að hún sé að fá of mikið af upplýsingum þegar svona margir þjálfarar eru að skipta sér af henni. „Þeir eru allir stilltir inn á það sama. Þess vegna held ég að mér hafi gengið svona vel og að ég sé að æfa svona vel. Það sem ég er að æfa hjá Nesty er svipað og það sem ég er að æfa með Klaus þegar ég fer heim,“ segir Hrafnhildur. „Þeir eru að hittast í fyrsta skiptið hérna á þessum leikum. Þegar Klaus fer yfir þær upplýsingar sem Nesty er að gefa mér þá segir hann: Ó, já, þetta er bara það sama og ég myndi gera. Þeir eru að spila á svipuðum nótum og það er rosalega þægilegt fyrir mig að sjá það og vinna með það,“ segir Hrafnhildur. Hún hefur góða sögu að segja af Klaus-Jürgen Ohk. „Ég vinn svo vel með Klaus. Hann skrifaði upp markmið fyrir mig fyrir heimsmeistaramótið í stuttu lauginni 2013. Þar skrifaði hann að við ætluðum að komast í úrslit á HM og svo í úrslit á Ólympíuleikunum. Til þess að gera það þá gerum við þetta, þetta og þetta. Svona voru skrefin og hann skrifaði þetta allt niður og sýndi mér," segir Hrafnhildur og þetta stóðst allt. „Hann sagði mér núna að ég væri búin að fara eftir öllum skrefunum og ná þessum árangri. Það er allt búið að ganga upp og það er rosalega heppilegt,“ segir Hrafnhildur og hún er núna án vafa búin að stimpla sig inn í hóp bestu bringusundskvenna heims. „Ég er með þeim bestu myndi ég segja og ég er mjög ánægð með það. Ég vona líka að þetta geti verið góð hvatning fyrir yngri sundmenn heima og hvetji þau að halda áfram að synda. Þó að maður verður eldri þá getur maður haldið áfram að bæta sig,“ segir Hrafnhildur. Hún synti úrslitasundið í nótt þegar Fréttablaðið var farið í prentun.Greinin birtist fyrst í Fréttablaðinu 9. ágúst.
Ólympíuleikar 2016 í Ríó Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Dagskráin í dag: Besta kvenna, Formúlu 1, hafnabolti, fótbolti og golf Sport Fleiri fréttir „Vil miklu frekar eiga feril í MMA heldur en að vinna skrifstofustarf“ Ósætti við úrelta löggjöf: „Sennilega eina þjóðin eftir í heiminum“ Segir Leipzig hinn fullkomna áfangastað fyrir unga og efnilega leikmenn Dagskráin í dag: Besta kvenna, Formúlu 1, hafnabolti, fótbolti og golf LIV-kylfingar mega áfram taka þátt í Ryder-bikarnum og PGA-meistaramótinu Elín Klara og Sara Sif sáu um Stjörnuna Seinna spjaldið var ekki viljandi: „Er bara pirraður og missi hausinn“ Slæm byrjun Vals hélt áfram í Garðabænum „Ein besta markvarsla sem ég hef séð“ Atlético lagði sprækt lið Leipzig „Höfðum mýmörg tækifæri til að klára þennan leik miklu fyrr“ Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Benfica og Leverkusen byrja á sterkum útisigrum Bjarki Már og Orri Freyr með stórsigra í Meistaradeildinni Uppgjörið: Afturelding - Fjölnir 3-1 | Brenndu víti en tóku tveggja marka forystu Guðrún Brá í góðri stöðu eftir sinn besta árangur Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Úlfur Ágúst orðaður við Messi og félaga á Miami Sparkað eftir tapið rosalega gegn Bayern FIA tók fyrir kvörtun Red Bull og hefur kveðið upp dóm sinn Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Framarar flæktir í óskýrum reglum HSÍ: „Þetta er alveg galið dæmi“ Með tvær ferðatöskur af fíkniefnum Haukur komið að nítján mörkum í fyrstu tveimur leikjunum í Meistaradeildinni Sjá meira