Fjór­tán ára drengur gaf sig fram við lög­reglu

Bradley, sem var stuðningsmaður Sunderland, lést sex ára gamall árið 2017 úr sjaldgæfri tegund krabbameins í börnum.

Coventry greindi frá því á sunnudag að félagið væri að rannsaka myndbandið, en móðir Bradleys, Gemma, sendi frá sér eigin yfirlýsingu í gegnum Bradley Lowery Foundation, sjóð sem safnar fé og vekur athygli til að hjálpa og styðja börn með krabbamein.

Lögreglan í West Midlands hefur staðfest að rannsókn sé hafin.

„Okkur er kunnugt um myndband sem gengur á samfélagsmiðlum og sýnir atvik á leik Coventry City og Sunderland í ensku úrvalsdeildinni,“ sagði í yfirlýsingu lögreglunnar.

„Ítarleg rannsókn er hafin og 14 ára drengur hefur síðan gefið sig fram og verður rætt við hann þegar fram líða stundir. Við skiljum þá vanlíðan og reiði sem þetta myndband hefur valdið í samfélaginu og hjá fjölskyldu þolandans, og lögreglumenn okkar halda þeim upplýstum um framgang rannsóknarinnar og vinna náið með báðum knattspyrnufélögunum.“

Gemma Lowery sagði í yfirlýsingu sinni að „fallegi drengurinn“ hennar „ætti skilið að hans væri minnst með ást, ekki hatri. Sem móður Bradleys er þetta hjartaskerandi, sérstaklega þar sem þetta er ein af uppáhaldsmyndunum mínum af honum. Sjáið bara þetta bros,“ skrifaði hún en bætti við:

„Ég vona að félagið grípi til viðeigandi aðgerða og að fjölskylda unga drengsins hjálpi honum að skilja hversu særandi gjörðir hans voru.“

Lowery bætti við að hún vildi ekki að „hatri yrði beint“ að stuðningsmanninum en vonaðist til þess að „félagið gripi til viðeigandi aðgerða“.