Neituðu að taka við mútum

Leikmenn knattspyrnuliðs El Salvador hafa greint frá því að reynt var að múta þeim fyrir leik sinn í nótt gegn Kanada.

Liðið hélt blaðamannafund þar sem þeir spiluðu upptöku með manninum sem reyndi að kaupa þá fyrir leikinn. Sá vildi að þeir töpuðu leiknum.

El Salvador á ekki lengur möguleika á því að komast á HM en Kanada er enn í möguleika.

Kanada þarf þá að vinna leikinn og treysta á sigur Mexíkó gegn Hondúras til að eiga enn möguleika á því að komast áfram. Leikurinn fer fram klukkan tvö í nótt.

Þetta mál mun örugglega halda áfram að vinda upp á sig og við greinum nánar frá því er meira kemur í ljós.