Tvær milljónir manna án drykkjavatns í Aleppo

Talið er að allt að tvær milljónir manna séu án drykkjarvatns í borginni Aleppo í Sýrlandi eftir harða bardaga sem þar hafa geisað undanfarna daga. Talsmenn á vegum Barnahjálpar Sameinuðu þjóðanna segja vatnsdælustöðvar borgarinnar hafa skemmst og útilokað sé að gera við þær á meðan á bardögum stendur.

Sýrlenski stjórnarherinn hefur heitið því að ná borginni aftur á sitt vald eftir að vopnahléið milli þeirra og uppreisnarmanna fór út um þúfur á mánudag. Hátt í hundrað manns létu lífið í loftárásum Rússa og sýrslenska stjórnarhersins á borgina í gær og tugir særðust.