Bush eldri sagður ætla að kjósa Clinton

George Bush eldri, fyrrverandi forseti Bandaríkjanna og glerharður Repúblikani, ætlar að kjósa demókratann Hillary Clinton í komandi forsetakosningum.

Þetta er fullyrt á vefsíðunni Politico þar sem segir að Bush, sem orðinn er níutíu og tveggja ára, á að hafa sagt Kathleen Kennedy Townsend frá þessari ákvörðun sinni. Þetta hefur þó ekki verið staðfest en þætti sannarlega saga til næsta bæjar og skýrt merki um þá óánægju sem ríkir með framboð Donalds Trump innan repúblikanaflokksins.

Þótt þetta hafi ekki fengist staðfest er þetta talið líklegt en Bush hefur hingað til neitað að lýsa yfir stuðningi við Trump.