Umfjöllun og myndir: Ísland - Skotland 1-2 | Toppsætið þrátt fyrir tap Anton Ingi Leifsson á Laugardalsvelli skrifar 20. september 2016 20:15 Stelpurnar þakka fyrir sig eftir leik. vísir/ernir Ísland tapaði fyrir Skotlandi, 2-1, í lokaleik kvennalandsliðið í riðlinum fyrir undankeppni EM í Hollandi næsta sumar, en Ísland hafði þegar tryggt sig inn á mótið. Þrátt fyrir tapið í dag hélt Ísland toppsætinu, en liðið tapaði einungis einum leik í riðlinum og það var leikurinn í kvöld. Ísland, sem hafði haldið hreinu í öllum níu leikjunum í undankeppninni fyrir þennan, fékk á sig fyrsta markið á 25. mínútu leiksins, en Fanndís Friðriksdóttir jafnaði fyrir hlé. Jane Ross skoraði sigurmarkið af vítapunktinum á 56. mínútu. Ein breyting var gerð á íslenska liðinu frá 4-0 sigrinum á Slóveníu á föstudaginn, en Elín Metta Jensen kom inn á hægri kantinn í stað Hólmfríðar Magnúsdóttur sem fékk sér sæti á bekknum. Skotarnir byrjuðu mikið betur en íslenska liðið og réðu algjölega ferðinni. Ísland náði lítið sem ekkert að halda boltanum og þegar Ísland fékk loksins boltann gáfu þær boltann rakleiðis útaf. Gestirnir höfðu ógnað með frábærum fyrirgjöfum og það kom ekki mikið á óvart þegar Skotland komst yfir með marki eftir eina slíka. Emma Mitchell gaf þá frábæra fyrirgjöf fyrir markið og Jane Ross skallaði boltann í netið og var þar af leiðandi fyrst til að skora á Ísland í undankeppninni. Frammistaða Íslands var langt frá því að vera sannfærandi í fyrri hálfleik, en liðinu gekk afar illa að halda boltanum. Það var því dálítið gegn gangi leiksins þegar Fanndís Friðriksdóttir jafnaði metin með laglegri vippu yfir markvörð Skota, en Fanndís fékk góða sendingu inn fyrir frá Berglindi Björgu. Staðan 1-1 þegar liðin gengu til búningsherbergja og gat íslenska liðið prísað sig sæla að vera með jafna stöðu í hálfleik enda voru Skotar með tögl og haldir á fyrri hálfleik, fyrir utan síðustu fimm mínúturnar í fyrri hálfleik, en Ísland með svona gott sóknarlið getur alltaf refsað fyrir mistök og það gerði Fanndís. Allt annað var að fylgjast með íslenska liðinu í síðari hálfleik. Boltinn gekk hraðar, sóknirnar voru beinskeyttari, hreyfaleikinn var meiri, en Skotarnir áttu þó bestu tilraunina í upphafi síðari hálfleiks þegar Caroline Weir þrumaði boltanum í stöngina af löngu færi. Það voru hins vegar Skotarnir sem náðu aftur forystunni þegar Jane Ross skoraði annað mark sitt og Skota, en hún skoraði af vítapunktinum eftir að Sara Björk Gunnarsdóttir braut á Lisu Evans innan teigs. Fljótlega eftir markið gerðu þeir Freyr Alexandersson og Ásmundur Haraldsson, þjálfarar Íslands, tvöfalda breytingu og með Gunnhildi kom mikið líf inn á miðsvæðið, en hún var afar dugleg og færði íslenska liðinu mikin kraft. Dagný Brynjarsdóttir fékk gott tækifæri til að jafna metin, en brást bogalistinn. Okkar stúlkum gekk ekki alveg nægilega vel að skapa sér afgerandi marktækifæri, en tækifærin til þess að búa til góð færi voru sannarlega til staðar. Lokatölur urðu 2-1 sigur Skotland og fyrsta tapið og fyrstu mörkin sem Ísland fær á sig riðlinum staðreynd í lokaleiknum. Þrátt fyrir tapið varð Ísland efst í riðlinum, en stelpurnar voru með betri markatölu en Skotland sem lenti í öðru sætinu. Spilamennskan var ekki góð í dag, þá sérstaklega í fyrri hálfleik, en jafntefli hefði ekki verið ósanngjörn úrslit. Staðreyndin er samt sú að Ísland er á leið á EM í þriðja skiptið í röð næsta sumar og nú hefst undirbúningur fyrir lokamótið með tilheyrandi æfingarleikjum og slíku. Stelpurnar hafa staðið sig vel í riðlinum og eru vel að þessu komnar, þrátt fyrir tapið í kvöld. vísir/ernirvísir/ernir EM 2017 í Hollandi Mest lesið „Skil ekki hvernig má kýla einhvern í andlitið?“ Íslenski boltinn Hafa fengið áttatíu prósent stiga í boði með Gunnar í byrjunarliðinu Íslenski boltinn „Þeir skutu úr einhverjum fjörutíu vítum“ Körfubolti Uppgjörið: Valur - Tindastóll 85-87 | Basile með sigurkörfu Körfubolti Aron Rafn hetja Hauka gegn Val og Fjölnir henti Stjörnunni úr leik Handbolti Bikarmeistararnir sluppu með skrekkinn Handbolti Uppgjörið: Valur - Stjarnan 1-3 | Stjarnan lyftir sér upp í fjórða Íslenski boltinn Niðurbrotin Eygló keppir ekki á HM Sport Unnu síðustu átján mínúturnar með tíu mörkum Handbolti Opnaði sig um skilnaðinn og erfiða tíma Sport Fleiri fréttir „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum Bjarni Guðjóns tók einn KR-ing sérstaklega fyrir „Þá er búið að yfirtaka sál félagsins“ Laumað út af leikvanginum í lögreglufylgd og svo rekinn seinna um kvöldið Svona tryggðu Víkingar titilinn og öll hin mörkin úr Bestu í gær Arnar Gunnlaugs segir gagnrýnendur Liverpool gleyma mannlega þættinum Gleðin í klefanum hjá nýju Íslandsmeisturunum Pep fljótastur í 250 sigra „Þarf að halda í við Mbappé og Kane“ „Þá fann ég á liðinu að það yrði ekki snúið við“ Sjáðu fögnuð Víkinga þegar Íslandsmeistaratitillinn var tryggður Gylfi Sigurðsson: Mikill léttir að tryggja fyrsta titilinn „Maður er orðinn Íslandsmeistari í sínu fyrsta giggi“ Uppgjörið: Breiðablik - Fram 3-1 | Evrópuvonir Blika lifa Hákon Arnar og félagar náðu í óvænt stig gegn Evrópumeisturunum Segir Rodri frá keppni næstu vikurnar Sandra María skoraði í leik sem þurfti að fresta Uppgjörið: Víkingur - FH 2-0 | Víkingur er Íslandsmeistari Höjlund tryggði sigur gegn Mikael Agli og félögum Uppgjörið: KA - Vestri 1-1 | Sæst á jafnan hlut fyrir norðan Sjá meira
Ísland tapaði fyrir Skotlandi, 2-1, í lokaleik kvennalandsliðið í riðlinum fyrir undankeppni EM í Hollandi næsta sumar, en Ísland hafði þegar tryggt sig inn á mótið. Þrátt fyrir tapið í dag hélt Ísland toppsætinu, en liðið tapaði einungis einum leik í riðlinum og það var leikurinn í kvöld. Ísland, sem hafði haldið hreinu í öllum níu leikjunum í undankeppninni fyrir þennan, fékk á sig fyrsta markið á 25. mínútu leiksins, en Fanndís Friðriksdóttir jafnaði fyrir hlé. Jane Ross skoraði sigurmarkið af vítapunktinum á 56. mínútu. Ein breyting var gerð á íslenska liðinu frá 4-0 sigrinum á Slóveníu á föstudaginn, en Elín Metta Jensen kom inn á hægri kantinn í stað Hólmfríðar Magnúsdóttur sem fékk sér sæti á bekknum. Skotarnir byrjuðu mikið betur en íslenska liðið og réðu algjölega ferðinni. Ísland náði lítið sem ekkert að halda boltanum og þegar Ísland fékk loksins boltann gáfu þær boltann rakleiðis útaf. Gestirnir höfðu ógnað með frábærum fyrirgjöfum og það kom ekki mikið á óvart þegar Skotland komst yfir með marki eftir eina slíka. Emma Mitchell gaf þá frábæra fyrirgjöf fyrir markið og Jane Ross skallaði boltann í netið og var þar af leiðandi fyrst til að skora á Ísland í undankeppninni. Frammistaða Íslands var langt frá því að vera sannfærandi í fyrri hálfleik, en liðinu gekk afar illa að halda boltanum. Það var því dálítið gegn gangi leiksins þegar Fanndís Friðriksdóttir jafnaði metin með laglegri vippu yfir markvörð Skota, en Fanndís fékk góða sendingu inn fyrir frá Berglindi Björgu. Staðan 1-1 þegar liðin gengu til búningsherbergja og gat íslenska liðið prísað sig sæla að vera með jafna stöðu í hálfleik enda voru Skotar með tögl og haldir á fyrri hálfleik, fyrir utan síðustu fimm mínúturnar í fyrri hálfleik, en Ísland með svona gott sóknarlið getur alltaf refsað fyrir mistök og það gerði Fanndís. Allt annað var að fylgjast með íslenska liðinu í síðari hálfleik. Boltinn gekk hraðar, sóknirnar voru beinskeyttari, hreyfaleikinn var meiri, en Skotarnir áttu þó bestu tilraunina í upphafi síðari hálfleiks þegar Caroline Weir þrumaði boltanum í stöngina af löngu færi. Það voru hins vegar Skotarnir sem náðu aftur forystunni þegar Jane Ross skoraði annað mark sitt og Skota, en hún skoraði af vítapunktinum eftir að Sara Björk Gunnarsdóttir braut á Lisu Evans innan teigs. Fljótlega eftir markið gerðu þeir Freyr Alexandersson og Ásmundur Haraldsson, þjálfarar Íslands, tvöfalda breytingu og með Gunnhildi kom mikið líf inn á miðsvæðið, en hún var afar dugleg og færði íslenska liðinu mikin kraft. Dagný Brynjarsdóttir fékk gott tækifæri til að jafna metin, en brást bogalistinn. Okkar stúlkum gekk ekki alveg nægilega vel að skapa sér afgerandi marktækifæri, en tækifærin til þess að búa til góð færi voru sannarlega til staðar. Lokatölur urðu 2-1 sigur Skotland og fyrsta tapið og fyrstu mörkin sem Ísland fær á sig riðlinum staðreynd í lokaleiknum. Þrátt fyrir tapið varð Ísland efst í riðlinum, en stelpurnar voru með betri markatölu en Skotland sem lenti í öðru sætinu. Spilamennskan var ekki góð í dag, þá sérstaklega í fyrri hálfleik, en jafntefli hefði ekki verið ósanngjörn úrslit. Staðreyndin er samt sú að Ísland er á leið á EM í þriðja skiptið í röð næsta sumar og nú hefst undirbúningur fyrir lokamótið með tilheyrandi æfingarleikjum og slíku. Stelpurnar hafa staðið sig vel í riðlinum og eru vel að þessu komnar, þrátt fyrir tapið í kvöld. vísir/ernirvísir/ernir
EM 2017 í Hollandi Mest lesið „Skil ekki hvernig má kýla einhvern í andlitið?“ Íslenski boltinn Hafa fengið áttatíu prósent stiga í boði með Gunnar í byrjunarliðinu Íslenski boltinn „Þeir skutu úr einhverjum fjörutíu vítum“ Körfubolti Uppgjörið: Valur - Tindastóll 85-87 | Basile með sigurkörfu Körfubolti Aron Rafn hetja Hauka gegn Val og Fjölnir henti Stjörnunni úr leik Handbolti Bikarmeistararnir sluppu með skrekkinn Handbolti Uppgjörið: Valur - Stjarnan 1-3 | Stjarnan lyftir sér upp í fjórða Íslenski boltinn Niðurbrotin Eygló keppir ekki á HM Sport Unnu síðustu átján mínúturnar með tíu mörkum Handbolti Opnaði sig um skilnaðinn og erfiða tíma Sport Fleiri fréttir „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu UEFA grætur niðurstöðuna en gefur grænt ljós Depay fastur í Brasilíu án vegabréfs Úsbekar leita í reynslu Cannavaro fyrir fyrsta HM „Þetta er enginn flugeldasýningar Íslandsmeistaratitill“ Ekki gerst á Skaganum síðan Garðar átti markamánuð lífs síns Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum Bjarni Guðjóns tók einn KR-ing sérstaklega fyrir „Þá er búið að yfirtaka sál félagsins“ Laumað út af leikvanginum í lögreglufylgd og svo rekinn seinna um kvöldið Svona tryggðu Víkingar titilinn og öll hin mörkin úr Bestu í gær Arnar Gunnlaugs segir gagnrýnendur Liverpool gleyma mannlega þættinum Gleðin í klefanum hjá nýju Íslandsmeisturunum Pep fljótastur í 250 sigra „Þarf að halda í við Mbappé og Kane“ „Þá fann ég á liðinu að það yrði ekki snúið við“ Sjáðu fögnuð Víkinga þegar Íslandsmeistaratitillinn var tryggður Gylfi Sigurðsson: Mikill léttir að tryggja fyrsta titilinn „Maður er orðinn Íslandsmeistari í sínu fyrsta giggi“ Uppgjörið: Breiðablik - Fram 3-1 | Evrópuvonir Blika lifa Hákon Arnar og félagar náðu í óvænt stig gegn Evrópumeisturunum Segir Rodri frá keppni næstu vikurnar Sandra María skoraði í leik sem þurfti að fresta Uppgjörið: Víkingur - FH 2-0 | Víkingur er Íslandsmeistari Höjlund tryggði sigur gegn Mikael Agli og félögum Uppgjörið: KA - Vestri 1-1 | Sæst á jafnan hlut fyrir norðan Sjá meira