Aðdáendur Conors vita ekkert um MMA

Eddie Alvarez, heimsmeistari í léttvigt, er ekki hrifinn að fólkinu sem heldur með Conor McGregor.

Á blaðamannafundinum fyrir UFC 205 var baulað hraustlega á Alvarez en hann verður í aðalbardaga kvöldsins gegn Íranum kjaftfora.

„Þetta var sérstakt. Ég átti ekki von á þessu,“ sagði Alvarez um móttökur áhorfenda.

„Þetta sagði mér samt mikið um fólkið sem heldur með Conor. Þetta virðist vera mikið fólk sem hefur gaman af WWE-glímunni. Gaurar sem vita ekki mikið um bardagaíþróttir. Alveg eins og Conor. Hann má eiga þessa aðdáendur. Þetta er ekki fólk sem ég vil hafa í mínu horni.

„Ég vil ekki að fólk sem veit ekki rassgat um MMA styðji mig. Ég vil frekar hafa fólk í mínu horni sem veit eitthvað um íþróttina og kann að njóta hennar.“