Harry Bretaprins sagður vera byrjaður með Suits stjörnu

Eftirsóttasti piparsveinn Bretlands, Harry Bretaprins, er sagður vera búinn að slá sér upp með bandarísku leikkonunni Meghan Markle. Hún er þekktust fyrir hlutverk sitt í þáttunum Suits. 

Samkvæmt fjölmiðlum í Bretlandi hefur Meghan nú þegar hitt Vilhjálm Bretaprins og Katrínu konu hans og hún átti að hafa passað vel í hópinn. Harry hefur átt í nokkrum ástarsamböndum í gegnum tíðina en aldrei hefur neitt gengið upp til lengri tíma. 

Ef að þessar sögusagnir eru réttar þá verður það að teljast til stórtíðinda enda er Harry sá fimmti í röðinni til þess að verða Bretakonungur. Við vonum bara að Meghan sé tilbúin í alla þá fjölmiðlaathygli sem fylgir því að vera í konungsfjölskyldunni.