Lance Stroll verður ökumaður Williams

Hinn 18 ára Lance Stroll mun taka sæti Felipe Massa hjá Williams liðinu í Formúlu 1 á næsta ári. Massa ætlar að láta af störfum eftir tímabilið.

Stroll varð meistari í Formúlu 3 á yfirstandandi tímabili. Stroll hefur verið að reynsluaka gömlum Williams bílum. Moldríkur faður hans, Lawrence Stroll, hefur fjármagnað aksturinn.

Ungi kanadíski ökumaðurinn sem varð 18 ára í síðustu viku verður yngsti ökumaðurinn í Formúlu 1 á næsta ári.

„Að fá tækifæri til að aka í Formúlu 1, 2017 er ótrúlegt, ég get ekki þakkað Williams nógu mikið fyrir að hafa trú á hæfileikum mínum,“ sagði Stroll.

„Ég vil ekki egja hvenær ég mun geta sýnt að ég er ekki bara hérnna vegna peninga. Þetta veltur á svo mörgum hlutum. Ég ætla bara að hafa áhyggjur af mér. Ég er mjög glaður með að vera hérna og hlakka til næsta tímabils.“ sagði Stroll.

Liðsfélagi Stroll hjá Williams verður Valtteri Bottas. Bottas mun vera á sínu fimmta tímabili með Williams á næsta ári. Bottas telur sig eiga eftir að afreka meira með Williams og telur sig geta unnið keppnir á Williams bílnum á næsta ári.