Nýr Spider-Man í nýrri stiklu

Fyrsta stiklan fyrir Spider-Man: Homecoming er nú komin á netið. Tom Holland fer með titilhlutverkið í myndinni og er áætlað að myndin komi út í júlí á næsta ári.

Þetta er í fyrsta skipti sem Holland fer með hlutverk Peter Parker í mynd um Spider-Man en áður hefur hann leikið hlutverkið í myndinni Captain America: Civil War.

Þetta er í þriðja sinn sem leikari stígur í spor köngulóarmannsins en áður hafa Tobey Maguire og Andrew Garfield farið með hlutverkið. Þetta er jafnframt sextánda myndin í kvikmyndaheimi Marvel.

Stikluna má sjá hér að neðan og er óhætt að segja að hún lofi góðu.