Ísland í stiklu fyrir Super Mario Run

Það virðist varla mega gera stiklu fyrir kvikmynd eða tölvuleik án þess að Ísland bregði fyrir en sú er nákvæmlega raunin í nýrri stiklu fyrir tölvuleikinn Super Mario Run sem kemur út í næstu viku.

Þar sést einstaklingur á miklum spretti í íslenskri náttúru. Leikurinn kemur út 15. desember og búist er við að muni verða mjög vinsæll og hafa greinendur á mörkuðum velt því fyrir sér hvort að leikurinn muni slá út Pokemon Go sem tröllreið öllu fyrr á árinu.

Leikurinn kemur út í App Store Apple og er gefinn út í samstarfi Nintendo og Apple. Leikurinn snýst einfaldlega um að hlaupa og safna peningum. Leikurinn byggir á Nintento-leikjunum fornfrægu um Super Mario.

Super Mario Run er fyrsti leikurinn sem Nintendo gefur út fyrir snjallsíma. Reiknað er með að um tuttugu milljónir notenda muni hala niður leiknum á fyrstu 30 dögunum frá útgáfu.