Spegilmynd af þeim fyrsta Óskar Ófeigur Jónsson skrifar 14. febrúar 2017 06:30 Keflvíkingar hlaupa sigurhring með bikarinn. vísir/andri marinó Bikarmeistaratitillinn var svo sannarlega ekki að fara í fyrsta sinn til Keflavíkur um helgina en allir leikmenn liðsins voru aftur á móti að vinna hann í fyrsta sinn sem leikmenn Keflavíkurliðsins. Það hafði ekki gerst í næstum því þrjá áratugi en á þessum þremur ótrúlegu áratugum hefur Keflavík unnið 29 stóra titla í kvennaflokki, fimmtán Íslandsmeistaratitla og fjórtán bikarmeistaratitla. Öll tólf bikarmeistaralið Keflavíkur frá 1989 til 2013 höfðu innanborðs þrjá eða fleiri leikmenn sem höfðu áður orðið bikarmeistarar með Keflavíkurliðinu.Hröð endurnýjun á liðinu Eftir ótrúlega hraða endurnýjun á Keflavíkurliðinu síðustu tvö ár var staðan hins vegar sú að liðið skipuðu tólf leikmenn sem aldrei höfðu unnið stóran titil með Keflavíkurliðinu. Sigureðlið virðist vera í blóðinu hjá Keflavíkurstúlkum sem eru orðnar bikarmeistarar á tímapunkti þegar flest önnur félög væru enn í sárum eftir að hafa misst nær alla reynsluna út úr sínu liði. Kvennalið Keflavík hafði aðeins einu sinni beðið lengur eftir bikartitli síðan sá fyrsti vannst en fjögur ár voru síðan sá síðasti kom í hús árið 2013. Þegar Keflavík beið í sjö ár eftir bikarmeistaratitlinum frá 2004 til 2011 voru samt í liðinu þrír leikmenn sem höfðu áður fengið bikarmeistaragull um hálsinn sem leikmenn Keflavíkurliðsins. Hið unga lið naut þó góðs af því að þjálfarinn Sverrir Þór Sverrisson var búinn að vinna bikarinn oft áður, bæði sem leikmaður og þjálfari. Tveir leikmenn Keflavíkur, Erna Hákonardóttir og Salbjörg Ragna Sævarsdóttir, unnu einnig bikarinn með Njarðvík fyrir fimm árum og Erna var líka í leikmannahópi Snæfells þegar liðið vann bikarinn í fyrra. Aðrir leikmenn liðsins voru á eftir sínum fyrsta stóra titli á ferlinum.Sextán til átján ára stelpur Þegar Keflavík vann bikarinn í fyrsta sinn 1988 voru í liðinu kornungar stelpur eins og í ár. Stelpur á aldrinum 16 til 18 ára og flestar í mjög stórum hlutverkum en búnar að vinna titla í yngri flokkum árin á undan. Í liðinu í ár eru tvær átján ára stelpur í byrjunarliðinu og tvær sem komu saman með sextán stig inn af bekknum eiga það sameiginlegt að vera yngri en átján ára. Björg Hafsteinsdóttir var sú eina sem tók þátt í að landa átta fyrstu bikarmeistaratitlum Keflavíkurliðsins frá 1988 til 1997. Hún vann sinn fyrsta titil nítján ára gömul en nú var einmitt dóttir hennar, Thelma Dís Ágústsdóttir, að verða bikarmeistari í fyrsta sinn átján ára gömul. Thelma Dís var í byrjunarliðinu og var með 8 fráköst og 3 stoðsendingar í úrslitaleiknum. Björg skoraði 25 stig í úrslitaleiknum fyrir 29 árum.Á sama aldri og mamma sín Elínborg Herbertsdóttir, önnur úr fyrsta bikarmeistaraliði Keflavíkur, var aðeins nýorðin sextán ára gömul þegar hún varð bikarmeistari í fyrsta sinn árið 1988 eða jafngömul og dóttir hennar, Birna Valgerður Benónýsdóttir, sem verður ekki sautján ára fyrr en í september. Birna skoraði 11 stig, tók 7 fráköst og varði 3 skot í sínum fyrsta bikarúrslitaleik í meistaraflokki. Anna María Sveinsdóttir missti aðeins af einum af fyrstu ellefu bikarmeistaratitlunum (barneignarfrí) og er sú sem hefur unnið þá flesta á ferlinum. Það hefur nefnilega ekkert eitt annað félag unnið fleiri bikarmeistaratitla til samans en KR er með tíu bikarmeistaratitla eins og Anna María.Nýtt gullaldarlið? Hvort Keflavík er búið að eignast nýtt gullaldarlið verður að koma í ljós en þær sem unnu bikarinn 1988 áttu eftir að vinna alla titla í boði næstu þrjú tímabil og við tók mikil sigurganga sem lengist nú enn. Dominos-deild kvenna Mest lesið Uppbótartíminn: Hvernig lið er Stjarnan? Íslenski boltinn „Ætlum að fara þarna og sækja þennan bikar“ Íslenski boltinn Uppgjörið: Valur - FH 2-3 | Hafnfirðingar í úrslit í fyrsta sinn Íslenski boltinn „Erum að einblína á það sem er að gerast á vellinum“ Körfubolti Trafford segist hundrað sinnum betri í dag Enski boltinn Njarðvík á toppinn Íslenski boltinn Ákvörðunin að reka Horner að mestu vegna slaks árangurs Formúla 1 Trúnaðarbrestur og formaðurinn hættur Íslenski boltinn Liverpool nær í framherja frá félagi Beckham og Gary Neville Enski boltinn Ronaldo sagður hafa hótað að siga lögreglunni á börnin Fótbolti Fleiri fréttir „Erum að einblína á það sem er að gerast á vellinum“ Í þrjátíu mánaða fangelsi fyrir að hrella Caitlin Clark Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Gjörbreyttur Luka hefur tekið á því í ræktinni NBA reynslubolti handtekinn fyrir ávísunarfals LeBron hitti umboðsmann Jokic í Frakklandi Landsliðsmenn buðust til að ræða við Craig: „Var ekki að fara grátbiðja hann í annað sinn“ Kristófer sendir frá sér yfirlýsingu: „Ekki ætlun mín að valda usla“ Kristófer opnar sig um ágreininginn: „Vonbrigði og vanvirðing“ Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Mættur aftur tuttugu árum seinna Sagt að hann spili ekki aftur meðan Craig er með liðið Stólarnir styrkja íslenska kjarnann með Geks Mario og Jaka í æfingahópnum fyrir EM Ásakaði LeBron um steranotkun í gríni Þreyttur á fallbaráttu og furðulegum ákvörðunum Sutton snýr aftur á Krókinn Svona er riðill Íslands í undankeppni EM Daðraði við Dallas áður en hann skrifaði undir hjá Lakers á nýjan leik Frá Skagafirði á Akranes Paul ætlar að klára ferilinn hjá Clippers Gömul Boston Celtics stjarna semur við Los Angeles Lakers Þjóðverjar sendu íslensku strákana niður í B-deildina Fyrsta konan til að þjálfa karlalið í Brasilíu „Borgið okkur það sem þið skuldið okkur“ Strákarnir tryggðu sér úrslitaleik um sæti í A-deild EM með stórsigri Vill eyða draugasögunni um að Grindavík spili ekki í Grindavík í vetur Slapp snemma úr sjö ára banni og samdi strax við Skagamenn Sjá meira
Bikarmeistaratitillinn var svo sannarlega ekki að fara í fyrsta sinn til Keflavíkur um helgina en allir leikmenn liðsins voru aftur á móti að vinna hann í fyrsta sinn sem leikmenn Keflavíkurliðsins. Það hafði ekki gerst í næstum því þrjá áratugi en á þessum þremur ótrúlegu áratugum hefur Keflavík unnið 29 stóra titla í kvennaflokki, fimmtán Íslandsmeistaratitla og fjórtán bikarmeistaratitla. Öll tólf bikarmeistaralið Keflavíkur frá 1989 til 2013 höfðu innanborðs þrjá eða fleiri leikmenn sem höfðu áður orðið bikarmeistarar með Keflavíkurliðinu.Hröð endurnýjun á liðinu Eftir ótrúlega hraða endurnýjun á Keflavíkurliðinu síðustu tvö ár var staðan hins vegar sú að liðið skipuðu tólf leikmenn sem aldrei höfðu unnið stóran titil með Keflavíkurliðinu. Sigureðlið virðist vera í blóðinu hjá Keflavíkurstúlkum sem eru orðnar bikarmeistarar á tímapunkti þegar flest önnur félög væru enn í sárum eftir að hafa misst nær alla reynsluna út úr sínu liði. Kvennalið Keflavík hafði aðeins einu sinni beðið lengur eftir bikartitli síðan sá fyrsti vannst en fjögur ár voru síðan sá síðasti kom í hús árið 2013. Þegar Keflavík beið í sjö ár eftir bikarmeistaratitlinum frá 2004 til 2011 voru samt í liðinu þrír leikmenn sem höfðu áður fengið bikarmeistaragull um hálsinn sem leikmenn Keflavíkurliðsins. Hið unga lið naut þó góðs af því að þjálfarinn Sverrir Þór Sverrisson var búinn að vinna bikarinn oft áður, bæði sem leikmaður og þjálfari. Tveir leikmenn Keflavíkur, Erna Hákonardóttir og Salbjörg Ragna Sævarsdóttir, unnu einnig bikarinn með Njarðvík fyrir fimm árum og Erna var líka í leikmannahópi Snæfells þegar liðið vann bikarinn í fyrra. Aðrir leikmenn liðsins voru á eftir sínum fyrsta stóra titli á ferlinum.Sextán til átján ára stelpur Þegar Keflavík vann bikarinn í fyrsta sinn 1988 voru í liðinu kornungar stelpur eins og í ár. Stelpur á aldrinum 16 til 18 ára og flestar í mjög stórum hlutverkum en búnar að vinna titla í yngri flokkum árin á undan. Í liðinu í ár eru tvær átján ára stelpur í byrjunarliðinu og tvær sem komu saman með sextán stig inn af bekknum eiga það sameiginlegt að vera yngri en átján ára. Björg Hafsteinsdóttir var sú eina sem tók þátt í að landa átta fyrstu bikarmeistaratitlum Keflavíkurliðsins frá 1988 til 1997. Hún vann sinn fyrsta titil nítján ára gömul en nú var einmitt dóttir hennar, Thelma Dís Ágústsdóttir, að verða bikarmeistari í fyrsta sinn átján ára gömul. Thelma Dís var í byrjunarliðinu og var með 8 fráköst og 3 stoðsendingar í úrslitaleiknum. Björg skoraði 25 stig í úrslitaleiknum fyrir 29 árum.Á sama aldri og mamma sín Elínborg Herbertsdóttir, önnur úr fyrsta bikarmeistaraliði Keflavíkur, var aðeins nýorðin sextán ára gömul þegar hún varð bikarmeistari í fyrsta sinn árið 1988 eða jafngömul og dóttir hennar, Birna Valgerður Benónýsdóttir, sem verður ekki sautján ára fyrr en í september. Birna skoraði 11 stig, tók 7 fráköst og varði 3 skot í sínum fyrsta bikarúrslitaleik í meistaraflokki. Anna María Sveinsdóttir missti aðeins af einum af fyrstu ellefu bikarmeistaratitlunum (barneignarfrí) og er sú sem hefur unnið þá flesta á ferlinum. Það hefur nefnilega ekkert eitt annað félag unnið fleiri bikarmeistaratitla til samans en KR er með tíu bikarmeistaratitla eins og Anna María.Nýtt gullaldarlið? Hvort Keflavík er búið að eignast nýtt gullaldarlið verður að koma í ljós en þær sem unnu bikarinn 1988 áttu eftir að vinna alla titla í boði næstu þrjú tímabil og við tók mikil sigurganga sem lengist nú enn.
Dominos-deild kvenna Mest lesið Uppbótartíminn: Hvernig lið er Stjarnan? Íslenski boltinn „Ætlum að fara þarna og sækja þennan bikar“ Íslenski boltinn Uppgjörið: Valur - FH 2-3 | Hafnfirðingar í úrslit í fyrsta sinn Íslenski boltinn „Erum að einblína á það sem er að gerast á vellinum“ Körfubolti Trafford segist hundrað sinnum betri í dag Enski boltinn Njarðvík á toppinn Íslenski boltinn Ákvörðunin að reka Horner að mestu vegna slaks árangurs Formúla 1 Trúnaðarbrestur og formaðurinn hættur Íslenski boltinn Liverpool nær í framherja frá félagi Beckham og Gary Neville Enski boltinn Ronaldo sagður hafa hótað að siga lögreglunni á börnin Fótbolti Fleiri fréttir „Erum að einblína á það sem er að gerast á vellinum“ Í þrjátíu mánaða fangelsi fyrir að hrella Caitlin Clark Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Gjörbreyttur Luka hefur tekið á því í ræktinni NBA reynslubolti handtekinn fyrir ávísunarfals LeBron hitti umboðsmann Jokic í Frakklandi Landsliðsmenn buðust til að ræða við Craig: „Var ekki að fara grátbiðja hann í annað sinn“ Kristófer sendir frá sér yfirlýsingu: „Ekki ætlun mín að valda usla“ Kristófer opnar sig um ágreininginn: „Vonbrigði og vanvirðing“ Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Mættur aftur tuttugu árum seinna Sagt að hann spili ekki aftur meðan Craig er með liðið Stólarnir styrkja íslenska kjarnann með Geks Mario og Jaka í æfingahópnum fyrir EM Ásakaði LeBron um steranotkun í gríni Þreyttur á fallbaráttu og furðulegum ákvörðunum Sutton snýr aftur á Krókinn Svona er riðill Íslands í undankeppni EM Daðraði við Dallas áður en hann skrifaði undir hjá Lakers á nýjan leik Frá Skagafirði á Akranes Paul ætlar að klára ferilinn hjá Clippers Gömul Boston Celtics stjarna semur við Los Angeles Lakers Þjóðverjar sendu íslensku strákana niður í B-deildina Fyrsta konan til að þjálfa karlalið í Brasilíu „Borgið okkur það sem þið skuldið okkur“ Strákarnir tryggðu sér úrslitaleik um sæti í A-deild EM með stórsigri Vill eyða draugasögunni um að Grindavík spili ekki í Grindavík í vetur Slapp snemma úr sjö ára banni og samdi strax við Skagamenn Sjá meira