Melissa McCarthy skildi ekki af hverju hún átti að leika Sean Spicer

Leikkonan Melissa McCarthy mætti á dögunum í heimsókn til sjónvarpskonunnar Ellen, ásamt eiginmanni sínum Ben Falcone.

Þar fóru þau um víðan völl en ræddu meðal annars hlutverk Melissu í sjónvarpsþáttunum Saturday Night Live, þar sem hún fer á kostum sem blaðamannafulltrúi Hvíta hússins, Sean Spicer.

Sjá einnig: Melissa McCarthy fór á kostum sem Sean Spicer í SNL

Hún sagðist upprunalega ekki hafa skilið af hverju framleiðendur þáttanna vildu að hún tæki hlutverkið að sér, en eftir að hafa verið komin í gervi, hafi hún skilið það betur.

„Það er eins og pabbi minn og Sean Spicer hafi eignast barn og það er ég,“ sagði McCarthy meðal annars í þessu stórskemmtilega viðtali.