Kvennó lagði MH í úr­slitum Gettu betur

Lið Kvennaskólans í Reykjavík fór með sigur af hólmi í úrslitaviðureign Gettu betur sem fór fram í Háskólabíói í kvöld. Kvennó hafði betur gegn Menntaskólanum í Hamrahlíð með 35 stigum gegn 31 stigi.

Hlöðver Skúli Hákonarson, Óskar Örn Bragason og Fjóla Ósk Guðmannsdóttir skipuðu lið Kvennaskólans en þau Birgitta Björg Guðmarsdóttir, Guðmundur Ingi Bjarnason og Gunnar Ólafsson lið MH.

Lið Menntaskólans við Hamrahlíð hafði betur gegn liði Menntaskólans á Egilsstöðum í undanúrslitaviðureign en Kvennaskólinn í Reykjavík vann Menntaskólann á Akureyri í sinni úrslitaviðureign.

Spyrill var Björn Bragi Arnarsson, spurningahöfundar og dómarar voru þau Steinþór Helgi Arnsteinsson og Bryndís Björgvinsdóttir.