Bikarúrslitaleikur Söru Bjarkar sýndur beint

Sara Björk Gunnarsdóttir og stöllur hennar í Wolfsburg mæta Sand á RheinEnergieStadion í Köln í úrslitaleik þýsku bikarkeppninnar í dag.

Wolfsburg tryggði sér þýska meistaratitilinn á dögunum og á því möguleika á að vinna tvöfalt.

Wolfsburg hefur unnið bikarkeppnina þrisvar sinnum; 2013, 2015 og 2016. Sara Björk og liðsfélagar hennar geta því unnið bikarinn þriðja árið í röð með sigri í dag.

Sara Björk varð bikarmeistari með Rosengård í Svíþjóð á síðasta ári.

Leikur Wolfsburg og Sand hefst klukkan 14:15 og verður sýndur í beinni útsendingu á ARD á Fjölvarpinu.