Júníus Meyvant heldur myndlistarsýningu

Síðastlistinn laugardag, þann 20. maí opnaði Júníus Meyvant sína fyrstu myndlistasýningu í Reykjavík á Kex Hostel, nánar tiltekið í Gym & Tonic salnum.

Þar hafa verið til sýnis verk eftir hann og eftirprentanir en helmingur allra sölutekna renna í hungurneyðarsjóð Unicef. Sýningin er enn opin en síðasti dagur sýningarinnar verður á Uppstigningardag, fimmtudaginn 25. maí. Júníus Meyvant verður á staðnum milli kl 12-17.

Júníus Meyvant er listamannsnafn Vestmanneyingsins Unnars Gísla Sigurmundssonar sem er best þekktur sem tónlistarmaður.

Það sem færri vita er að Júníus Meyvant hóf listamannaferil sinn sem myndlistamaður áður en hann hóf tónlistarferil sinn. Sýningin á Kex er þó hans fyrsta myndlistasýning í Reykjavík.