Pepsi-mörkin: Sjáðu danstaktana hjá Jóni Rúnari

Jón Rúnar Halldórsson, formaður knattspyrnudeildar FH, stal senunni í leik FH og Stjörnunnar og ekki síst voru það danstaktar formannsins sem vöktu hrifningu viðstaddra.

Formaðurinn dansaði af gleði enda voru hans menn að vinna ákaflega mikilvægan sigur í leiknum, þann fyrsta hjá FH í deildinni síðan í fyrstu umferðinni.

FH hefði verið tíu stigum á eftir Stjörnunni hefðu úrslit leiksins farið á hinn veginn en eftir umferðina í gær eru þrjú lið - Stjarnan, Valur og Grindavík - efst og jöfn með þrettán stig. FH er með níu stig í fimmta sætinu.

Sjá má formannsdansinn hér að ofan.