Alfreð veikur og gat ekki æft

Alfreð Finnbogason missti af æfingu landsliðsins nú fyrir hádegi þar sem hann er orðinn veikur.

Ekki sérstök tíðindi þar sem það eru aðeins fimm dagar í stórleikinn gegn Króatíu á Laugardalsvelli.

Óskar Örn Guðbrandsson, fjölmiðlafulltrúi KSÍ, sagði að Alfreð væri með ælupest en vonir standa til að hann hristi veikindin fljótt af sér.

Aðrir leikmenn voru mættir á æfingu í dag þar sem var tekið á því. Meðal annars var stillt upp í leik ellefu á móti ellefu og var Þorvaldur Árnason fenginn til þess að dæma.