Grindavík fær færeyskan landsliðsmann

Færeyski landsliðsmaðurinn Rene Shaki Joensen hefur skrifað undir þriggja mánaða samning við Grindavík.

Þetta staðfesti Joensen í samtali við færeyska Kringvarpið.

Joensen, sem er 24 ára gamall miðjumaður, var síðast á mála hjá Vensyssel í Danmörku.

Hann hóf ferilinn hjá Bröndby en fór til HB Tórshöfn árið 2014. Ári síðar fór Joensen svo til Vendsyssel og lék með liðinu þar til í byrjun þessa mánaðar.

Joensen hefur leikið 11 landsleiki fyrir Færeyjar.

Hann er þriðji leikmaðurinn sem Grindavík fær í félagaskiptaglugganum sem lokar í dag. Áður voru þeir Edu Cruz og Simon Smidt komnir.