Bláa lestin frá Helsinki til Tampere

Stuðningsmenn íslensku karlalandsliðanna í körfubolta og fótbolta hafa í nógu að snúast í dag. Þeir flykkjast nú frá Helsinki til Tampere í Finnlandi til að fylgjast með fótboltalandsliðinu keppa gegn heimamönnum í undankeppni HM 2018. Fyrr í dag tapaði körfuboltalandsliðið fyrir Póllandi á Eurobasket.

Það er ljóst að stemningin hefur verið góð hjá stuðningsmönnum sem þurftu að sitja í tvo klukkutíma í lest til að ná til Tampere í tæka tíð. Flestir munu svo snúa aftur til Helsinki í kvöld.

Ernir Eyjólfsson ljósmyndari fréttastofu var á staðnum og náði þessum skemmtilegu myndum af stuðningsmönnum strákanna okkar.