Fullkominn dagur fyrir Bæjara

Bayern München vann 2-0 sigur á RB Leipzig í stórleik helgarinnar í þýsku úrvalsdeildarinnar.

Dagurinn hefði ekki getað verið betri fyrir Bayern því Borussia Dortmund tapaði 4-2 fyrir Hannover.

James Rodríguez og Robert Lewandowski skoruðu mörk Bayern sem hefur gengið frábærlega eftir að gamla brýnið Jupp Heyncks tók við af Carlo Ancelotti.

Bayern er með 23 stig á toppi þýsku deildarinnar, þremur stigum á undan Dortmund og fjórum stigum á undan Leipzig.

Það hefur hallað undan fæti hjá Dortmund að undanförnu. Liðið fékk 19 stig af 21 mögulegu í fyrstu sjö deildarleikjum sínum. Í síðustu þremur leikjum hefur Dortmund hins vegar aðeins náð í eitt stig af níu mögulegum.