Innlent

Fundi formannanna lokið

Sunna Kristín Hilmarsdóttir skrifar
Logi Einarsson, formaður Samfylkingarinnar, Ágúst Ólafur Ágústsson og Guðjón S. Brjánsson, þingmenn Samfylkingarinnar, og Katrín Jakobsdóttir, formaður Vinstri grænna, á leið í þinghúsið nú rétt fyrir hádegi.
Logi Einarsson, formaður Samfylkingarinnar, Ágúst Ólafur Ágústsson og Guðjón S. Brjánsson, þingmenn Samfylkingarinnar, og Katrín Jakobsdóttir, formaður Vinstri grænna, á leið í þinghúsið nú rétt fyrir hádegi. vísir/vilhelm
Fundi formanna flokkanna fjögurra sem eiga nú í stjórnarmyndunarviðræðum lauk á tólfta tímanum.

Eru formennirnir nú allir komnir í þinghúsið og fóru þeir beint inn á þingflokksfundi og vildu ekkert ræða við fjölmiðla.

Von er á yfirlýsingu frá þeim eftir fundina með þingflokkunum að sögn Þorbjörns Þórðarsonar, fréttamanns 365, sem er staddur í þinghúsinu.

Sigurður Ingi Jóhannsson, formaður Framsóknarflokksins, í þinghúsinu áðan.vísir/vilhelm
Katrín Jakobsdóttir, formaður Vinstri grænna, vildi lítið gefa upp í morgun þegar Vísir náði tali af henni. Sagði hún að formennirnir vildu næði til að funda og vildi hún til að mynda hvorki gefa upp hvar né hvenær fundur þeirra færi fram.

Má gera ráð fyrir því að formenn flokkanna geri nú þingmönnum sínum grein fyrir framhaldi viðræðanna, það er hvort þeim verði framhaldið eða slitið.

Fréttin hefur verið uppfærð.

Kosningar 2017

Tengdar fréttir

Formenn flokkanna vilja næði til að funda

Formenn flokkanna fjögurra sem eiga í stjórnarmyndunarviðræðum munu eiga fund núna fyrir hádegi en Katrín Jakobsdóttir, formaður Vinstri grænna, vill hvorki gefa upp hvar né hvenær þeir muni hittast.

Framhald stjórnarmyndunarviðræðna ræðst í dag

Það ræðst í dag hvort að Vinstri græn, Samfylkingin, Píratar og Framsóknarflokkurinn haldi áfram formlegum stjórnarmyndunarviðræðum sínum sem hófust á föstudaginn í liðinni viku.

Mest lesið


Fleiri fréttir

Sjá meira


×

Mest lesið