Damir framlengdi við Blika

Damir Muminovic hefur framlengt samning sinn við Breiðablik. Þetta kemur fram á stuðningsmannavef Breiðabliks, blikar.is

Miðvörðurinn hefur spilað 130 leiki með Blikum og skorað 6 mörk. Hann skrifaði undir til þriggja ára.

Undirritun samningsins fer fram nákvæmlega fjórum árum eftir að Damir skrifaði undir sinn fyrsta samning við Breiðablik.

„Damir er ekki einungis öflugur varnarmaður heldur einnig sterkur karakter sem drífur félaga sína áfram. Það er ánægjulegt að leikmenn eins og Damir hafi metnað og framtíðarsýn til þess að fylgja Blikaliðinu inn í framtíðina með nýjum þjálfara,“ sagði í frétt blikar.is.