Það er hægt að komast í gegnum aðventuna án þess að missa „kúlið" Sylvía Rut Sigfúsdóttir skrifar 11. desember 2017 12:30 Ragnhildur Þórðardóttir, betur þekkt sem Ragga nagli. Aðsent/Andrea Jónsdóttir Ragnhildur Þórðardóttir sálfræðingur og þjálfari, sem er betur þekkt sem Ragga nagli, skrifar mikið um heilsu og mataræði og gefur fólki góð ráð á Facebook síðu sinni. Hún segir að sveigjanleg hugsun minnki líkur á því að fólk fari út í öfgar eða fái samviskubit yfir mataræðinu yfir hátíðarnar. „Kræsingar leka úr öllum kaffistofum um þessar mundir. Nýbakaðar Sörur. Makkintossj í skálum. Nóa konfekt í harðspjaldakössum frá Odda.En það er vel hægt að komast í gegnum aðventuna og njóta kræsinga án þess að missa kontrólið og kúlið. Án þess að vera þjakaður af samviskubiti í janúar. Án þess að taka allsherjar klössun með dítoxi og djúsum.“ Eins og aligæs á leið í slátrun Hún segir að ef við værum bragðlaukalausir róbótar væri ekkert mál að dúndra sér í gegnum lífið með brokkolí, kjúkling og hrísgrjón á disk. „En að gúlla súkkulaði er einfaldlega hluti af að vera mennskur. Með því að tileinka sér 80/20 nálgunina náum við þessu dásamlega jafnvægi og heilbrigðu sambandi við mat. 80% er maturinn sem líkaminn þarf og vill. 20% er svo glugginn sem við getum opnað, ef við viljum, fyrir lakkrístoppum, randalínum og pralínfylltu Nóa.“ Ragga minnir á að litlir skammtar af „næringarsnauðu kaloríusósuðu transfitudúndruðu stöffi“ getur haft áhrif á heilsuna ef megnið af fæðunni sé næringarrík heil fæða með eitt innihald. „Að auki, því sveigjanlegri hugsun gagnvart mat því minni líkur á að sturta í sig heilum poka af piparhúðuðu Nóa Kroppi í snarhasti bakvið hurð. Með samviskubitið lúrandi yfir og allt um kring eins og koltvísýringur. Sveigjanleg hugsun kemur í veg fyrir að matur lendi í svart-hvítu flokkunarkerfinu. Annað hvort afkvæmi Kölska og við erum óþekk að svindla. Eða næring englanna og við fægjum geislabauginn.“ Hún segir að það sé alveg í lagi að 20 prósent af heildarinntöku dagsins komi frá „djönki“ og því sé alveg hægt að opna gluggann fyrir kræsingum. „Ef þú gúllar 2.000 á dag, þá áttu 400 kvekendi til að leika þér með. Það er til dæmis ein væn sneið af súkkulaðiköku. Enginn matur einn og sér spikfitar þig eins og aligæs á leið í slátrun. Það er magnið sem skiptir öllu máli.“Njóta án samviskubits Ragga gefur einnig nokkur góð ráð fyrir þá sem vilja reyna að standast freistingarnar í vinnunni og komast hjá því að dælda árangur haustsins „Slepptu því að fara inn á kaffistofu ef þar svigna borð undan kræsingum eins og í Kristnihaldi undir jökli.“ Hún mælir líka með því að hafa margar vatnsflöskur og niðurskorna ávexti á skrifborðinu. „Hafðu sælgæti úr augsýn og utan seilingar þannig að þú þurfir að standa upp til að ná í molana. Rannsókn á læknariturum sýndi að þær borðuðu þrjá mola á dag þegar nammiskál var geymd þrjá metra frá skrifborðinu en níu mola þegar skálin var við hliðina á tölvunni. Sparnaður uppá mola hljómar ekki mikið en það safnast saman. Það er rúmlega 30 molum færra yfir vinnuvikuna.“ Einnig sé hægt að biðja samstarfsfélaganna að geyma sitt „gúmmelaði“ ofan í skúffu. „Þegar þig virkilega, virkilega, virkilega langar í gómsæti skaltu gefa þér fullt leyfi án samviskubits til að njóta. Taktu handfylli en ekki setja örðu upp í túlann fyrr en þú getur sest niður í rólegheitum og notið í botn með núvitund og öll skilningarvit einbeitt á molana upp í þér. Svo skaltu fara aftur til vinnu.“ Ragga hvetur fólk til að sleppa því að háma í sig meðvitundarlaust yfir tölvupóstskrifum. „Þá verður engin minning og þú endar í skápaskrölti heima eftir vinnu. Með þessi ráð í farteskinu massarðu aðventuna og orð eins og átak, dítox, megrun og kúr verða úthýst í hundakofann í janúar.“ Jól Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Sjá meira
Ragnhildur Þórðardóttir sálfræðingur og þjálfari, sem er betur þekkt sem Ragga nagli, skrifar mikið um heilsu og mataræði og gefur fólki góð ráð á Facebook síðu sinni. Hún segir að sveigjanleg hugsun minnki líkur á því að fólk fari út í öfgar eða fái samviskubit yfir mataræðinu yfir hátíðarnar. „Kræsingar leka úr öllum kaffistofum um þessar mundir. Nýbakaðar Sörur. Makkintossj í skálum. Nóa konfekt í harðspjaldakössum frá Odda.En það er vel hægt að komast í gegnum aðventuna og njóta kræsinga án þess að missa kontrólið og kúlið. Án þess að vera þjakaður af samviskubiti í janúar. Án þess að taka allsherjar klössun með dítoxi og djúsum.“ Eins og aligæs á leið í slátrun Hún segir að ef við værum bragðlaukalausir róbótar væri ekkert mál að dúndra sér í gegnum lífið með brokkolí, kjúkling og hrísgrjón á disk. „En að gúlla súkkulaði er einfaldlega hluti af að vera mennskur. Með því að tileinka sér 80/20 nálgunina náum við þessu dásamlega jafnvægi og heilbrigðu sambandi við mat. 80% er maturinn sem líkaminn þarf og vill. 20% er svo glugginn sem við getum opnað, ef við viljum, fyrir lakkrístoppum, randalínum og pralínfylltu Nóa.“ Ragga minnir á að litlir skammtar af „næringarsnauðu kaloríusósuðu transfitudúndruðu stöffi“ getur haft áhrif á heilsuna ef megnið af fæðunni sé næringarrík heil fæða með eitt innihald. „Að auki, því sveigjanlegri hugsun gagnvart mat því minni líkur á að sturta í sig heilum poka af piparhúðuðu Nóa Kroppi í snarhasti bakvið hurð. Með samviskubitið lúrandi yfir og allt um kring eins og koltvísýringur. Sveigjanleg hugsun kemur í veg fyrir að matur lendi í svart-hvítu flokkunarkerfinu. Annað hvort afkvæmi Kölska og við erum óþekk að svindla. Eða næring englanna og við fægjum geislabauginn.“ Hún segir að það sé alveg í lagi að 20 prósent af heildarinntöku dagsins komi frá „djönki“ og því sé alveg hægt að opna gluggann fyrir kræsingum. „Ef þú gúllar 2.000 á dag, þá áttu 400 kvekendi til að leika þér með. Það er til dæmis ein væn sneið af súkkulaðiköku. Enginn matur einn og sér spikfitar þig eins og aligæs á leið í slátrun. Það er magnið sem skiptir öllu máli.“Njóta án samviskubits Ragga gefur einnig nokkur góð ráð fyrir þá sem vilja reyna að standast freistingarnar í vinnunni og komast hjá því að dælda árangur haustsins „Slepptu því að fara inn á kaffistofu ef þar svigna borð undan kræsingum eins og í Kristnihaldi undir jökli.“ Hún mælir líka með því að hafa margar vatnsflöskur og niðurskorna ávexti á skrifborðinu. „Hafðu sælgæti úr augsýn og utan seilingar þannig að þú þurfir að standa upp til að ná í molana. Rannsókn á læknariturum sýndi að þær borðuðu þrjá mola á dag þegar nammiskál var geymd þrjá metra frá skrifborðinu en níu mola þegar skálin var við hliðina á tölvunni. Sparnaður uppá mola hljómar ekki mikið en það safnast saman. Það er rúmlega 30 molum færra yfir vinnuvikuna.“ Einnig sé hægt að biðja samstarfsfélaganna að geyma sitt „gúmmelaði“ ofan í skúffu. „Þegar þig virkilega, virkilega, virkilega langar í gómsæti skaltu gefa þér fullt leyfi án samviskubits til að njóta. Taktu handfylli en ekki setja örðu upp í túlann fyrr en þú getur sest niður í rólegheitum og notið í botn með núvitund og öll skilningarvit einbeitt á molana upp í þér. Svo skaltu fara aftur til vinnu.“ Ragga hvetur fólk til að sleppa því að háma í sig meðvitundarlaust yfir tölvupóstskrifum. „Þá verður engin minning og þú endar í skápaskrölti heima eftir vinnu. Með þessi ráð í farteskinu massarðu aðventuna og orð eins og átak, dítox, megrun og kúr verða úthýst í hundakofann í janúar.“
Jól Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Best skipulagða geymsla landsins í glæsihúsi við Laugardalinn Lífið Fagnaði 35 árum í sólinni Lífið Mistök að eyða ekki meiri tíma með börnunum Lífið Púsluðu sig inn í undanúrslit þrátt fyrir hremmingar Lífið Fleiri fréttir „Fimm ár af allskonar og hamingjan er enn hér“ Ný plata frá Birgi Hákoni: „Ég er ekki lengur þessi gaur nema í tónlistinni“ „Það er alveg hægt að vinna rifrildið en þá tapar sambandið“ Púsluðu sig inn í undanúrslit þrátt fyrir hremmingar Tjáir sig í fyrsta sinn um bróðurmissinn Fagnaði 35 árum í sólinni Best skipulagða geymsla landsins í glæsihúsi við Laugardalinn „Allir vonuðu að þetta yrði stelpa“ Mistök að eyða ekki meiri tíma með börnunum Göngutúr með umhverfissálfræðingi: „Árás inn í umhverfið“ og vannýttasta horn borgarinnar Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Sjá meira