Arnór Gauti orðinn Bliki á ný

Framherjinn Arnór Gauti Ragnarsson er genginn aftur í raðir Breiðabliks. Félagið greindi frá þessu á Twitter í dag.

Arnór er uppalinn hjá Aftureldingu en hann spilaði sína fyrstu meistaraflokksleiki fyrir Breiðablik sumarið 2015.

Hann var á lánið hjá Selfossi sumarið 2016 en gekk til liðs við Eyjamenn síðasta sumar.

Arnór kom við sögu í 20 leikjum ÍBV í Pepsi deildinni í sumar og skoraði í þeim 3 mörk. Hann skoraði til viðbótar tvö mörk í 4 bikarleikjum, en hann varð bikarmeistari með félaginu í sumar.

Framherjinn duglegi @arnor_gauti hefur ákveðið að ganga til liðs við Blika á nýjan leik. Hann skipti yfir í ÍBV síðasta sumar og lék þar 24 leiki í deild og bikar og skoraði 5 mörk. Arnór Gauti hefur einnig átt fast sæti í U-21 árs landsliði Íslands að undanförnu. #blikarpic.twitter.com/2xV3GUvtWz

— Blikar.is (@blikar_is) December 29, 2017