Fótbolti

Juventus heldur í við Napoli

Higuain í leiknum í kvöld en Cagliari náði að loka á hann.
Higuain í leiknum í kvöld en Cagliari náði að loka á hann. Vísir/Getty
Federico Bernardeschi skoraði eina mark leiksins í 1-0 sigri Juventus gegn Cagliari í lokaleik dagsins í ítalska boltanum en Juventus minnkaði með því forskot Napoli niður í eitt stig á ný.

Eftir 2-0 sigur Napoli gegn Verona fyrr í dag mátti Juventus ekki við því að misstíga sig á útivelli í kvöld gegn Cagliari sem situr rétt fyrir ofan fallsæti.

Það tók meistarana 74. mínútur að brjóta ísinn en það tókst loks þegar Bernardeschi kom Juventus yfir eftir góðan undirbúning Douglas Costa.

Reyndist það sigurmark leiksins en með sigrinum nær Juventus átta stiga forskoti á Inter sem hefur heldur betur misst flugið að undanförnu.

Stefnir því í tveggja liða keppni um ítalska titilinn sem Juventus hefur einokað undanfarin ár.

Ítalski boltinn

Mest lesið


Fleiri fréttir

Sjá meira


×

Mest lesið