Ingi Kristján segir sárt að sitja undir ásökunum um nauðgun

Kolbeinn Tumi Daðason skrifar 2. janúar 2018 15:15

Lögregla er með líkamsárásina til rannsóknar. Vísir/KTD

Ingi Kristján Sigurmarsson segir sárt að sitja undir ásökunum um að hafa nauðgað sambýliskonu sinni á árunum 2010-2011. Hafnar hann alfarið „þessum ósönnu fullyrðingum“ og minnir á að hann hafi aldrei verið kærður til lögreglu.

Dýrfinna sagði frá nauðguninni í viðtali í Fréttatímanum árið 2015.

Þetta kemur fram í yfirlýsingu sem Ingi Kristján sendi DV eftir viðtal við listakonuna Dýrfinnu Benítu, fyrrverandi sambýliskonu hans.

Þar lýsti Dýrfinna líkamsárás sem hún og kærasti hennar, tónlistarmaðurinn Þórður Ingi Jónsson, urðu fyrir að morgni Þorláksmessu og lögregla hefur til rannsóknar.

Dýrfinna greindi frá líkamsárásinni á Facebook og lýsir því að klukkan sex að morgni hafi hún verið við vinnu ásamt Þórði og tveimur mönnum til viðbótar þegar bankað var á dyrnar. Þrír menn hafi vaðið inn og veist að þeim.

Tónlistarmaðurinn Þórður Ingi Jónsson, betur þekktur sem Lord Pusswip.Vísir/Eyþór

Tönn hafi brotnað í Þórði Inga og honum flossblætt úr munninum. Hann fengið vænan heilahristing og mar og bólgur um andlit og höfuð.

„Þetta hefði geta farið ver, því þetta eru hættulegir menn og þekktir fyrir það að beita gróft ofbeldi gagnvart fólki,“ segir Dýrfinna. Mennirnir hafi flúið af vettvangi áður en lögregla mætti. Guðmundur Páll Jónsson lögreglufulltrúi staðfesti við DV að málið væri í rannsókn. Skýrsla hefði verið tekin af brotaþolum í málinu.

Frásögn Dýrfinnu af árásinni má sjá hér að neðan.

Dýrfinna segir árásina tilraun til þöggunar eftir frásögn hennar í #metoo byltingunni. Í pistli á Facebook í október sagði hún að Ingi Kristján væri einn fjögurra manna sem hefðu nauðgað sér á ævi hennar. Nauðgunin hefði átt sér stað þegar þau voru í sambandi.

Dýrfinna lýsti

Lýsti hún atvikum í þaula en frásögnina má sjá hér að neðan.

Árásarmennirnir voru ekki ánægðir með frásögnina að sögn Dýrfinnu. Hún þekki þá vel enda séu þeir vinir og samstarfsmenn Inga Kristjáns.

Ingi Kristján hefur verið í kastljósi fjölmiðlanna undanfarin ár vegna ærumeiðingarmáls sem Egill Einarsson, betur þekktur sem Gillzenegger, höfðaði á hendur honum fyrir myndbirtingu á samfélagsmiðliðinum Instagram með textanum „Fuck you rapist bastard“ árið 2012.

Myndin sem Ingi birti á Instagram-síðu sinni og varð til þess að Egill fór í einkamál við hann. Ingi fjarlægði myndina síðar meir og segir föður sinn og lögmann hafa sent lögmanni Egils afsökunarbeiðni.

Krafðist Egill að orðin yrðu dæmd dauð og ómerk. Málið fór alla leið fyrir Hæstarétt þar sem Ingi Kristján var sýknaður. Mannréttindadómstóll Evrópu komst að þeirri niðurstöðu síðla árs 2017 að Hæstiréttur hefði ekki gætt jafnvægis á milli friðhelgi einkalífs Egils og tjáningarfrelsis Inga Kristjáns.

„Það er sárt að sitja undir ásökunum af þessu tagi enda um að ræða hegningarlagabrot sem þungar refsingar fylgja og rétt að taka fram að engin kæra hefur verið lögð fram á mig og hafna ég alfarið þessum ósönnu fullyrðingum,“ segir Ingi Kristján í yfirlýsingu sinni.

Dýrfinna sagði sögu sína fyrst í viðtali við Fréttatímann árið 2015.

Egill Einarsson var kærður fyrir nauðgun árið 2011 en málinu var vísað frá. Egill neitaði ávallt sök.

Lögreglumál

Tengdar fréttir

Mest lesið

Fleiri fréttir