DeRozan með flugeldasýningu í Kanada

Hinn magnaði leikmaður Toronto Raptors, DeMar DeRozan, setti félagsmet í nótt er hann skoraði 52 stig í framlengdum sigri á Milwaukee.

Hann hitti úr 17 af 29 skotum sínum í leiknum. 5 af 9 þristum fóru niður hjá honum og öll 13 vítaskotin fóru rétta leið. Þokkalegt.

Eftir frekar óstöðugan vetur er DeRozan að finna taktinn en hann skoraði 45 stig í leik í desember. Giannis Antetokounmpo skoraði 26 stig fyrir Bucks og tók einnig 9 fráköst og gaf 7 stoðsendingar.

LA Lakers er án hins magnaða Kyle Muzma og með hann í stúkunni tapaði liðið gegn Minnesota. Skotnýting Lakers var aðeins 30,8 prósent í leiknum. Lakers er 11-25 í vetur.

Úrslit:

Toronto Raptors - Milwaukee Bucks  131-127 (frl)

Brooklyn Nets - Orlando Magic  98-95

Portland Trail Blazers - Chicago Bulls 124-120 (frl)

Minnesota Timberwolves - Los Angeles Lakers 114-96