Bein útsending: Stytting vinnuvikunnar hjá Reykjavíkurborg

Reykjavíkurborg og BSRB standa fyrir málþingi í dag um niðurstöður tilraunaverkefnis um styttingu vinnuvikunnar án launaskerðingar.

Beina útsendingu frá fundinum má nálgast hér að neðan en hann hefst klukkan 9:00.

Eins og Fréttablaðið greindi frá í morgun mun annar áfangi tilraunaverkefnisins hefjast í vor. Þá munu um 2200 af 8500 starfsmönnum borgarinnar vinna á bilinu 37 til 39 stunda vinnuviku í stað hefðbundinna 40 stunda.

Sjá einnig: Fjórðungur starfsmanna vinnur styttri vinnuviku

Fyrrnefnt tilraunaverkefni hófst í mars 2015 og náði það þá til barnaverndar Reykjavíkur og skrifstofu þjónustumiðstöðvar Árbæjar og Grafarholts. „Verkefnið gaf góða raun og haustið 2016 bættust nýjar starfsstöðvar við verkefnið en það voru Leikskólinn Hof, Laugardalslaug, heimaþjónusta og heimahjúkrun í efribyggð og allar hverfis- og verkbækistöðvar borgarinnar,“ segir í lýsingu málþingsins sem hefst klukkan 9 sem fyrr segir. Þar verður fjallað um reynslusögur og næstu skref í verkefninu verða kynnt.

Útsendinguna má sjá hér að neðan

Dagskrá málþingsins er eftirfarandi en með fundarstjórn fer Ragnhildur Ísaksdóttir, starfsmannastjóri Reykjavíkurborgar:



9:00-9:10 Opnunarávarp 

Dagur B. Eggertsson borgarstjóri

9:10-9:25 Kynning á niðurstöðum verkefnisins og könnun um upplifun starfsmanna sem tóku þátt í tilrauninni 

Magnús Már Guðmundsson, formaður stýrihóps um tilraunaverkefni um styttingu vinnuvikunnar

9:25-9:35 Sveitarfélögin og stytting vinnuvikunnar

Halldór Halldórsson, formaður Sambands íslenskra sveitarfélaga

9:35-9:50 Viðhorf og upplifun stjórnenda sem tóku þátt í tilrauninni 

Eygló Rós Gísladóttir, MSc í mannauðsstjórnun

9:50-10:15 Sálfélagsleg vinnuvernd, vinnutími, streita 

Ólafur Þór Ævarsson, Dr. Med., geðlæknir hjá Forvörnum ehf.

10:15-10:30 Kaffi



10:30-10:40 Reynslusaga starfsmanns 

Ester G. Halldórsdóttir, teymisstjóri í félagslegri heimaþjónustu hjá þjónustumiðstöð Árbæjar og Grafarholts

10:40-11:00 Um nauðsyn þess að forgangsraða hagsmunum barna

Sæunn Kjartansdóttir, sálgreinir og höfundur bókarinnar Árin sem enginn man

11:00-11:10 Reynslusaga starfsmanna

Gróa Sigurðardóttir, leikskólakennari, og Erna Georgsdóttir, félags- og tómstundafræðingur, á leikskólanum Hofi

11:10-11:30 Jafnréttisáhrif styttingar vinnuvikunnar

Sonja Ýr Þorbergsdóttir, lögfræðingur BSRB

11:30-12:00 Umræður