Bein útsending: Smáþing litla Íslands

Samtök Atvinnulífsins halda í dag fund þar sem markaðsmál lítilla og meðalstórra fyrirtækja verða í kastljósinu. Fundurinn heitir: Smáþingi Litla Íslands og fer þingið fram á Hilton Reykjavík Nordica klukkan þrjú í dag. Tölur um umfang og mikilvægi lítilla og meðalstórra fyrirtækja verða einnig birtar á þinginu auk þess sem bent verður á leiðir til að bæta starfsumhverfið.

Hægt verður að horfa á beina útsendingu af fundinum hér að neðan. Hann hefst klukkan 15:00.

Á þinginu munu frumkvöðlar segja reynslusögur og farið verður yfir hvernig eigi að ná nýjum viðskiptavinum og halda núverandi viðskiptavinum. Hvað sé að gerast á markaðinum. Hvernig ná eigi árangri með markaðsstarfi. Hvernig hægt sé að nota samfélagsmiðla með nýjum hætti og hvaða áhrif áhrifavaldar hafi.

Forsætisráðherra Íslands, Katrín Jakobsdóttir, setur þingið en dagskrá má nálgast hér að neðan þar sem er einnig hægt að skrá sig. Smáþingsstjóri er Guðný Helga Herbertsdóttir, framkvæmdastjóri stafrænnar þróunar hjá VÍS.

Litla Ísland er vettvangur þar sem lítil fyrirtæki vinna að stórum hagsmunamálum. Bakhjarlar Litla Íslands eru SAF, SVÞ, SI, SFF og SA. Kynning á þjónustu samtakanna verður fyrir og eftir Smáþing.

Dagskrá fundarins:

Setning

Katrín Jakobsdóttir, forsætisráðherra

Stóra lausnin er smá!

Halldór Benjamín Þorbergsson, framkvæmdastjóri Samtaka atvinnulífsins

Hvernig ná lítil og meðalstór fyrirtæki árangri með markaðsstarfi?

Guðmundur Arnar Guðmundsson, markaðsstjóri Íslandsbanka og stundakennari við HR

Rótgróið fyrirtæki í nýjum heimi

Guðrún Hafsteinsdóttir, markaðsstjóri Kjöríss og formaður SI.

Vald áhrifavalda og nýjar leiðir við notkun samfélagsmiðla

Hlynur Þór Árnason, sölu- og markaðssérfræðingur hjá Ghostlamp

Reynslusögur & umræður

Pink Iceland

Eva María Þórarinsdóttir Lange, stofnandi og eigandi

Einstök Ölgerð

Guðjón Guðmundsson, framkvæmdastjóri.

Omnom

Óskar Þórðarson, framkvæmdastjóri.

Eldum rétt

Hanný Inga Birschbach, þjónustustjóri