Viðskipti innlent

Klíník og klíník í eina sæng

Eiður Þór Árnason skrifar
Kristján Jón Jónatansson framkvæmdastjóri Klíníkurinnar býst við að samstarfssamningur náist á næstu dögum við heilbrigðisyfirvöld um móttöku sjúklinga sem bíða eftir hjúkrunarrými á Landspítalanum.
Kristján Jón Jónatansson framkvæmdastjóri Klíníkurinnar býst við að samstarfssamningur náist á næstu dögum við heilbrigðisyfirvöld um móttöku sjúklinga sem bíða eftir hjúkrunarrými á Landspítalanum. Vísir/Bjarni

Klíníkin Ármúla hefur gengið frá kaupum á Meltingarklíníkinni sem rekur sérhæfða heilbrigðisstarfsemi á sviði meltingarlækninga. Klíníkin Ármúla hyggst í kjölfarið bjóða upp á meltingarþjónustu. 

Þetta kemur fram í tilkynningu frá Klíníkinni. Meltingarklíníkin hafi frá stofnun árið 2021 lagt áherslu á greiningu og meðferð sjúkdóma í meltingarfærum, ristli og endaþarmi.

Þá er Meltingarklíníkin sögð hafa nýverið flutt í stærra og endurnýjað húsnæði með sérútbúinni aðstöðu og nýjum tækjabúnaði. Kaupin séu liður í áframhaldandi uppbyggingu Klíníkurinnar Ármúla á sviði sérhæfðrar heilbrigðisþjónustu.

„Meltingarklíníkin hefur á skömmum tíma byggt upp sterka starfsemi með reynslumiklu og faglegu teymi. Með þessum kaupum styrkjum við þjónustuframboð okkar enn frekar og skapast aukin tækifæri til að bæta aðgengi sjúklinga að sérhæfðri greiningu og meðferð. Við hlökkum til að byggja áfram á því góða samstarfi sem þegar hefur verið og halda áfram uppbyggingu starfseminnar,“ er haft eftir Kristjáni Jóni Jónatanssyni, framkvæmdastjóra Klíníkurinnar Ármúla, í tilkynningu.

Heilbrigðismál Reykjavík Kaup og sala fyrirtækja


Mest lesið


Fleiri fréttir

Sjá meira


×

Mest lesið