Katrín tognaði og FH skoraði | Myndband

FH vann 2-1 sigur á KR í þriðju umferð Pepsi-deildar kvenna í fótbolta en FH komst yfir í fyrri hálfleik á 42. mínútu með skrautlegu marki.

Katrín Ómarsdóttir, fyrrverandi landsliðskona og leikmaður KR, missti boltann á miðjunni þegar að hún tognaði sem varð til þess að gestirnir úr Hafnarfirði komust yfir.

Jasmín Erla Ingadóttir vann boltann og stakk honum inn fyrir á Marjani Hing-Glover sem skoraði framhjá Ingibjörgu Valgeirsdóttur í marki KR. Staðan 1-0 í hálfleik.

Tijana Krstic jafnaði metin fyrir KR í seinni hálfleik en sigurmark FH var sjálfsmark á 66. mínútu. Fyrsti sigur FH í höfn og bæði lið með þrjú stig.

Þetta skrautlega atvik má sjá í spilaranum hér að ofan.