Innlent

Bilun olli reyk í strætisvagni

Sunna Kristín Hilmarsdóttir skrifar
Atvikið kom upp í Ártúnsbrekku en myndin er af strætisvögnum í miðbæ Reykjavíkur.
Atvikið kom upp í Ártúnsbrekku en myndin er af strætisvögnum í miðbæ Reykjavíkur. vísir/ernir
Slökkvilið höfuðborgarsvæðisins var kallað út rétt fyrir klukkan átta í morgun vegna elds sem talið var að hefði kviknað í strætisvagni sem staðsettur var í Ártúnsbrekku.

Samkvæmt upplýsingum frá slökkviliðinu var einn bíll frá þeim sendur á staðinn en í ljós kom að ekki var um eld að ræða heldur olli bilun í vagninum því að reyk lagði frá honum.

Slökkviliðið þurfti því ekki að aðhafast þar sem bílstjórinn keyrði vagninn sjálfur á verkstæði strætó.

Mest lesið


Fleiri fréttir

Sjá meira


×

Mest lesið