Forseti Palestínu lagður inn á sjúkrahús

Forseti Palestínu, Mahmoud Abbas, hefur verið lagður inn á sjúkrahús í Ramallah í kjölfar aðgerðar á eyra sem hann undirgekkst í vikunni. Þetta er í þriðja skiptið á viku sem forsetinn hefur verið lagður inn á sjúkrahús. Reuters greinir frá.

Forsetinn fór í aðgerð á eyra síðastliðinn þriðjudag og var lagður inn á sjúkrahús aftur í dag eftir að hafa fengið háan hita. Samkvæmt heimildarmönnum Reuters er innlögnin þó ótengd aðgerðinni, en forsetinn hefur einnig verið meðhöndlaður vegna bólgu í brjósti og mun dvelja á sjúkrahúsinu til morguns.

Frelsissamtök Palestínumanna settu á Twitter-síðu sína að forsetinn væri við góða heilsu:

Dr. Saeb Erekat visited President Mahmoud Abbas in the Istishari hospital in Ramallah today and confirms that "the President is in good health".

— Palestine PLO-NAD (@nadplo) 20 May 2018