Incredibles 2 slær met

Incredibles 2 halaði inn 180 milljón dollara, um 19,6 milljarða íslenskra króna, í kvikmyndahúsum í Bandaríkjum um síðustu helgi.

Þar með er Incredibles 2 tekjuhæsta teiknimynd sögunnar hvað miðasölu um frumsýningarhelgi varðar. Áður átti teiknimyndin Finding Dory metið.

Einnig er teiknimyndin nú komin í áttunda sæti yfir tekjuhæstu frumsýningarhelgar allra tíma.

Incredibles 2 kemur í bíó á Íslandi þann 20. júní. Hér að neðan má sjá stiklu úr myndinni.