Frumsýning fótboltamyndar sem fjallar um þjóðarsálina

Heimildarmyndin „Síðasta Áminningin“ verður frumsýnd á RÚV í kvöld klukkan 21:30. Myndinni er lýst sem „heimildarmynd þar sem sjálfsmynd og hugarfar Íslendinga er skoðað út frá sögu íslenska karlalandliðsins í fótbolta.“

Myndin er eftir Hafstein Gunnar Sigurðsson, best þekktur sem leikstjóri kvikmyndarinnar „Undir Trénu,“ og Guðmund Björn Þorbjörnsson, best þekktur fyrir hlaðvarpsþættina „Markmannshanskarnir hans Albert Camus.“

Sævarsson is the right back of the Icelandic team, who kept Messi quiet for 90 minutes today. Like he said he would. We interviewed him in a hardware store in March for the #doc "Last Call".

Sævarsson plays in Iceland and also works in the salt industry. Please share. #WorldCup pic.twitter.com/WdLozQfDkU

— Guðmundur Björn (@gudmundurbjorn) June 16, 2018

Þrír leikmenn landliðsins leika aðalhlutverk í myndinni, þeir Theodór Elmar Bjarnason, Jón Daði Böðvarsson og Birkir Már Sævarsson. Einnig koma fleiri þjóðþekktir einstaklingar fram í myndinni.

Sá #síðastaáminningin í gær og hafði virkilega gaman af henni. Stoltur að fá að taka þátt í henni.. Mæli með því að fólk skelli sér í bíó paradís og sjái myndina

— Elmar Bjarnason (@ElmarBjarnason) June 13, 2018

„Þetta er tilhneiging í Íslendingum, við erum alltaf að bera okkur saman, það er einhver minnimáttarkennd sem er þarna undirliggjandi, við erum ekkert verri og við höfum það alveg jafn gott og ef ekki betra heldur en fólkið í öðrum löndum,“ segir Hafsteinn Gunnar í útvarpsþættinum Harmageddon.