Fótbolti

Íslensku strákarnir lentir í Moskvu

Ástrós Ýr Eggertsdóttir skrifar
Rútan komin og bíður eftir strákunum.
Rútan komin og bíður eftir strákunum. vísir/vilhelm
Íslenska landsliðið er lent í Moskvu. Strákarnir lögðu af stað frá Gelendzhik stuttu eftir hádegið að íslenskum tíma og eru nú komnir í rússnesku höfuðborgina þar sem liðið mætir Argentínu á laugardag í fyrsta leik á HM.

Ferðalagið frá bækistöðvum landsliðsins við Svartahafið var stutt, aðeins rétt rúmir tveir tímar.

Landsliðið æfir á Sparktak vellinum í Moskvu á morgun þar sem þeir mæta svo Messi og félögum klukkan 13:00 að íslenskum tíma á laugardaginn.

Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.





HM 2018 í Rússlandi

Mest lesið


Fleiri fréttir

Sjá meira


×

Mest lesið